PRESS RELEASE

NO.94/2023

 

SIAHA, 25 Khihpa, 2023, Hriaheinoh – Atanoh my dawh 10:30 Am pa ta noh 2 chhôh ôpa ta hnei awpa MADC Monsoon Session 2023 cha MADC Session Hall liata Puhpa N. Viakhu, Chairman, MADC chhihthana ry liata pathaopa a châ.

 

Daihti pathao hlâ ta Puhpa N. Viakhu, Chairman ta Member avaw hlao theipazy hnoh ta anaohna nata alynabie reina hnei ta, Khazohpa Biehrai Pathaihpa Zawhana 16:34-35 reipapuana hnei ta, he khai tawhta atakô Monsoon Session pavaosana hnei awpa ta a raopa Puhpa N. Zakhai, Amôbyuh biatuhpa ta thlahchhâna a hnei.

 

Chairman ta Monsoon Session 2023 Panel of Chairman châta Puhpa N. Beihu, Tipa-II biatuhpa nata Puhpa H.C. Biakcheuva, Siaha East-II biatuhpa zy a rao ei.

 

He khai tawhta Chairman ta a tliata (1.6.2023) liata miah a pahâsaipa Puhpa H. Hrangchuanga, Siaha East-I biatuhpa taokheina daihti hmâh ta, a thâtih reipapuana a hnei. Puhpa Nahlo Solo, Siaha North-I biatuhpa, Puhpa James TA. Riatha, Siaha West-I biatuhpa, Puhpa HC. Lalmalsawma Zasai, Amôtlâh biatuhpa, Puhpa N. Zakhai, Amôbyuh biatuhpa nata House Leader Puhpa M. Laikaw, Tokalo biatuhpazy ta pasaileina bie nata ama taokheina bie ama reih. 

 

Atahmâ atyuphaohpa liata Starred question (pakah ta chhy awpa) sâ 16 y ta, unstarred question (ropa ta achhy awpa) sâ 4 y ta, unstarred question zy he member zy atyuna hmia liata achhy chiehpa ta sopa châ ta, starred question sâ 16-pazy he session hneipa noh 2 chhôh liata pakah ta achhy awpazy a châ.

 

Myrâh liata List of Business hawhta hiahrina nata achhyna daihti hmâpa châ ta, atanoh liata sâ 8 hiahrina nata achhyna hnei patlôpa châ ta, zâlâ liata Bills nata Rules zy introduce pa châ ta, cha nahzy cha:-

 

Official Bills: -

 

1. The Mara Autonomous District Council (Town Police) Bill, 2023.

 

2. The Mara Autonomous District Council (Town Council or Committees) (Third Amendment) Bill, 2023.

 

Official Rules: -

 

1. The Mara Autonomous District Council Group ‘B’ (Non-Gazetted), Group ‘C’ and Group ‘D’ (Multi-Tasking Staff) Recruitment and Engagement (on Contact basis) Rules, 2023.

 

2. The Mara Autonomous District Council (Salaries and Allowances of Chief Executive Member and Executive Members, etc.) (Third Amendment) Rules, 2020.

 

3. The Mara Autonomous District Council (Salaries and Allowances of Chairman and Deputy Chairman) (Second Amendment) Rules, 2020.

 

4. The Mara Autonomous District Council (Salaries, Allowances and Pension of Members (Sixth Amendment) Rules, 2020.

 

5. The Mara Autonomous District Council (Constitution, Conduct of Business etc. (Sixth Amendment) Rules, 2022.

 

He Bills and Rules zy he mylâ târi 26.7.2023 pa ta atyupahmaoh pazao daihti liata pass achhuahpa a châ.

 

Atahmâ Session liata chhôhkha lâ tlâhleina vâta member pa 1 a hlao thei leipa ta, member 24 zy deikua â ki kawpa ta amâ hlao.

 

ISSUED BY:

Information & Publicity Department

Mara Autonomous District Council

Siaha.