PRESS RELEASE

NO.53/2025

SIAHA, 05 Patô, 2025, Hriatuanoh - Atanoh dawh 11:30 AM khata Puhpa M. Laikaw, Hon'ble Chief Executive Member, MADC ta BRO Tisi Chavah Hleidy a pahy.

Puhpa M. Laikaw, CEM chata, "Atanoh liata BRO Commander chhihthana ry liata Central sawhkhâ ta hleidy pha kawpa maniah taopa ei ta, MADC vyuhpa ta alynabie ei reih hmeiseih," a tah.

"Mararâh liata he hawhpa Hleidy phapa eima hneipa he pasôna châh pahnopa ta, ahneituhpa palôhru phaohpa ta, mohôh pha ta, BRO Commander nata a hrialâhpazy nata hriaparaohna phapa hnei lymâ eimâ chhuah awpa he a peimawh ngaita kaw," CEM tah a tah.

"BRO nah heta eima râh liata thata rai hria ei ta, ama chô liata alynabie ei reih hmeiseih. He hleidy ama taopa dei châ leipa ta, Tipa - Zyhno - Laki- Lopu road, Kaochao - Phura - Tokalo road chhao tao ngâ kaw ei ta, he hawhpa hmo phapa eima hneipa he pasô awpa a byuh," CEM tah a tah.

Puhpa M. Laikaw, Hon'ble CEM, MADC ta he Hleidy apahyna lia heta Puhpa L. Prisila, EM i/c PWD  etc., Puhpa Beihu Nôhro, Deputy Chief Whip, MADC nata Amit Yadhav, OC 71 RCC Lawngtlai nata BRTF Leaders zy chhao amâ hlao hra. Âmo hleikhô heta Senior Leaders, BJP Headquarters, Siaha, Zyhno, Siatlai nôpawpazy nata Political leaders nano nanopazy nata NGOs zy chhao amâ hlao hra.

ISSUED BY:-

Information & Publicity Department

Mara Autonomous District Council

Siaha.