PRESS RELEASE

NO.52/2023

SIAHA, 7 Pamih, 2023, Hriaheinoh - Atanoh dawh 11:30 Am pa ta MTP Branch: Zyhno zy ta Zyhno biatuhpa MDC Puhpa L. Prisila, EM i/c PWD etc. MADC cha â tyuna Official Chamber liata programme chyupa taopa ta alykheina daihti ahma hmâh.

Puhpa Ruben N. Lyno, President ta alykheina programme chhihtha ta, Puhpa S. Kheli, Auditor ta alykheina bie nata khokheina bie reih ta, Puhpa C. Robert, Secretary ta alykheina hmosai piepa hlâna hnei ta, Puhpa J. Siaku, Adviser ta daihti khawna thlahchhâna a hnei.

Puhpa L. Prisila, EM zachhihpa chata biereina chyupa daihti hmâh pazi ta, 12th Term MADC liata châna phapa a khokhei tuhpa Khazohpa nata Puhpa M. Laikaw, CEM nata a hrilâhpazy hnoh ta alynabie reih ta, Zyhno MTP zy hmopha taopa liata alynabie reih ta, he hawhta alykheina palôhru ama hneipa hawhta ti nata râh châta hrialâh phapa châ lymâ awpa ta hruana a tao.

EM zachhihpa chata atanoh liata a chakaochahlâ tuhpa Officers - Puhpa A. Viahra, EE (PWD), Puhpa TT. Kholaw, RTO, Puhpa Beirôkhu Beitâ, I & PO zy hnoh ta alynabie reih ta, Zyhno MTP zy hnoh ta palôh hmeiseihpa ta alynabie a reih.

Atanoh alykheina liata a vaw hlao theipa he leaders manôh 13 ama châ.

ISSUED BY:

Information & Publicity Department

Mara Autonomous District Council

Siaha.