PRESS RELEASE

NO.80/2025

 

SIAHA, 16 Khihpa, 2025, Pakhynoh -  Puhpa, George Kurian, Hon'ble Minister of State for Minority Affairs and Fisheries, Animal Husbandry & Dairying, Government of India ta virtual (video conference) ta PMJVK Scheme tawhta; 1) Construction of Public Market cum Multipurpose Centre and Women Facilitation Centre at Tipa 'V', Siaha District, Mizoram State ( Rs, 4.00 Crore) nata 2) Construction of Multipurpose Community Hall, Siaha , Mizoram State ( Rs, 9 Crore) zy Foundation Lô Bôna a hnei.

 

He programme he MADC Golden Jubilee Hall, Siaha liata hmâpa châta, Puhpa, Abraham Beirazi Khithie, Additional Deputy Commissioner, Siaha District, Siaha ta Programme he a chhihtha. He programme hmâna liata Puhpa, K.Beichhua, MLA, President, & Mizoram State BJP nata Puhpa, M.Laikaw, CEM, MADC zy chhao biereina ama hnei.

 

Hon'ble Union Minister of State for Minority Affairs Puhpa, George Kurian ta Prime Minister, Puhpa, Narendra Modi chhihthana ry liata India Râh ta Kô 2047 liata Developed Country (Viksit Bharat - 2047) ta tao achhuahna kyh liata hmahsiena rai hluhpi hriapa châ ha ta, North East India State nata avia pachaihpa ta Mizoram State liata chhao hmah thata lapa a châ ha hra, a tah.   Siaha District liata PMJVK Scheme tawhta Project Sâno(2) Foundation Lôbô bô thei awpa a vaw châpa he alypa a châ hmeiseih tah ta, Construction of Public Market cum Multipurpose Centre and Women Facilitation Centre,Tipa nata Multipurpose Community Hall, New Colony Siaha zy cha Mara Râh Zawpi Culture, hrozie nahta chhao âkhyh kawpa a châ tah ta, Zawpi chhaota aphahnai thei chaina hawhta hmâh phahnai awpa ta khokheina Mara Râh Zawpi zy hnohta a hlâ hra. Union Minister of State for Minority Affairs ta biereina a hneikhai tawhta, Video Conference hmâpa ta Project sânopazy he Foundation lô bôna a hnei.

 

Puhpa,Dr K. Beichhua,MLA 39-Saiha (ST) A/C Biatuhpa MLA chhaota biereina hnei ta, 'Siaha Biatuhpa achâna hawhta Siaha District chhôh liata hmahsiena a vaw tlô awpa vâta alynabie reih ta, khichhai laihpa Puhpa, George Kurian hnoh chhaota a lynabie a reih. Central liata sawkhâna a siekhei ngâ haipa he chichynawh viapa (Minority) nahzy pachânpeimawh ta, a ma hmahsiena awpa pachâ tyhpa châ ei ta, ama chôla lia chhaota eily ngaita kaw. Daihti kaw sie lai lymâ awpa lia chhaota chichynawh viapazy châ ta thapi phia lymâ awpa na ta, hmahsiena hmia eima hmô lyma thei n'awpa ta hriakho lymá awpa a peimawh tahpa ta a reih.

 

Puhpa M.Laikaw, CEM, MADC ta Programme Chhihthatuhpa, Puhpa, Abraham Beirazi Khithie, Additional DC, Siaha, Zawpi programme âvawhlaopa zydua, nata video conference hmâpa ta Programme âvawhlaopazy; Puhpa, Dr. K Beichhua, MLA & President Mizoram State BJP, Puhpa, K Hrahmo, MLA, Puhpa, Delson Notlia, National Secretary- Minority Morcha  nata Puhpa, George Kurian, Union Minister of State for Minority Affairs zy hnohta atanoh liata Project sâno pathao thei awpa a vaw châna liata alynabie a reih. CEM ta Pihnô, Nirmala Sitharaman , Union Minister for Finance and Corporate Affairs, Puhpa, Kiren Rijiju, Union Minister of Parliamentary Affairs, Puhpa, Laduhawma, CM , Mizoram nata Centre liata nopaw penawh khokheina vâta atakô liata MADC Area, châta PMJVK  tawhta Project- 5 apyhpa a châ; 

 

1) Maraland Gospel Centenary Hospital, Siaha.

2) Girls Hostel, Zotlang, Aizawl.

3) School Building within MADC Area.

 

4) Construction of Public Market cum Multipurpose Centre and Women Facilitation Centre, Tipa.

5) Construction of Multipurpose Hall, New Colony, Siaha. 

 

He project zy he project Centre Nôpaw nah khokheina byhnâ nata eima Râh ama kaw tlôna daihti liata ama bietaipazy hlao patlohna a châ hra.

 

He project Sâpangawpa hleikhô ta, Puhpa,Lalduhawma , CM, Government of Mizoram ta Mizoram State chhôh liata Minority zy kyh miah apachâna zawhzi ta Sasci scheme ry liata Construction of Cold Storage at Kaochao East nata Spice Griding Unit, Tokalô zy chhao hmôpa a châ hra, a tah.

 

Puhpa,Abraham Beirazi Khithie, Additional DC, ta vote of thanks reipa ta daihti he pachhâsapa a châ.

 

ISSUED BY:

Information & Publicity Department,

Mara Autonomous District Council,

Siaha.