SIAHA, 19 Khihpa, 2022, Hriaheihnoh - Atanoh dawh 4:00 PM pa ta Thiahra khitlâh nôpaw VC nata MTP zy ta ama biatuhpa MDC Puhpa HC. Lalmalsawma Zasai, Dy. CEM i/c School Education etc. MDC châta atlypatlohpa a châ hleikhô ta tovyuh peimawhpa Deputy Chief Executive Memner (Dy. CEM) a vaw patu theipa vâta â tyuna office liata palyupalihna nata alykheina ama hnei.

Thiahra VC nata MTP nôpawpazy he ta ama biatuhpa amâ lykheina châta Ryuchâ ama hlâ raihrie.

He hawhta, pakah paleih alykheina dei padaihsa leipa ta ama pôhpa tlai ta Office liata avypa ta alykheina Ryuchâ ama vaw hlâpa vâta Puhpa HC. Lalmasawma Zasai, Dy. CEM ta Thiahra VC nata MTP nôpawpazy hnoh ta palôh hmeiseihpa ta alynabie a reih.