PRESS RELEASE

NO.120/2023

By: Puhpa M. Laikaw 

Chief Executive Member

Mara Autonomous District Council, Siaha

“Daihti nata tlâhna phapa nâ pietuhpa eima Khazohpa moh ta Pachutuhpa zydua nama tiamana nata hriapasana vâta palôh hmeiseihpa ta châly ei na ta, kô 2023 Teachers’ Day Samaw ei cha hlâ ei.”

“Teachers’ Day he India President panona Dr. Sarvepalli Radhakrishnan - a pina noh athei thlâh n’awpa ta India sawhkhâ ta kô tota târi 5th Thlarâh thlâpâ liata eima hmâh tyhpa a châ. He noh he Pachutuhpazy dei châ leipa ta achuhaipazy nata India râh liata chyhsa hluhpizy ta Pachutuhpazy liata aly kawna chôta palyupalihna eima hlâna daihti rôhna ngaita pa a châ.”

“Dâh nata phôh thaipazy thaina cha Châbu liata ropa châ ta, Dawhtyzy thaina cha atlâh leipazy chô liata eima hmô hra. Pachutuhpazy hriapasana nata thaina deikua cha chyhsa lathli liata pasopa châ ta, ama hlaotlohnazy cha achuhaipazy liata alâ ta; ama tao chheinazy chhao chyhsa to chô liata hmô thei awpa a châ tyh. Chavâta Pachutuhpazy he Phopi paduatuhpa châ ei ta, râh hmâhsiena thaby chaipa ama châ.”

“Marasawzy pi he Abeipa ta sai maniah hei ngaita ta; England râh tawhta Missionary - maniah kawtuapa ta, Thâtihpha ta maniah pakhaihsapa eima châ. chatana chata Lorrain Ville, Saikao liata Primary School - cha kô 1908 lia khata eima Missionary - zy phahnai ngiahna zawhzi ta paduapa a châ haw. Revd. R.A. Lorrain nata a chhôhkhazy ta hmo hluhpi maniah pachu ei ta, Marasawzy châta cha R.A.Lorrain nata a chhôhkhazy he Pachutuh rôhna ngaitapa ama châ tah leithei awpa châ vei.”

“Nama zydua ta Teachers’ Day Samaw cha hlâ chanei ei na ta, Pachutuh phapa nata hlaotlohpa châ awpa ta khokheina ei cha hlâ ei.”

“Râh châta nama deichhy haipa,”

Sd/- M. Laikaw

Chief Executive Member

Mara Autonomous District Council

Siaha,

ISSUED BY:

Information & Publicity Department

Mara Autonomous District Council

Siaha.

(Dated Siaha, the 5th September, 2023).