PRESS RELEASE 

NO.39/2026

Siaha, târi 30th Pachawh, 2026 (Pohbiehnoh) - Zâhnia, târi 29.4.2026 (Pakhynoh) liana khata Puhpa T. Seido, EM i/c., Social Welfare, etc., MADC nata Social Welfare Dept liata ahriatuhpazy ta Târi 17.4.2026 liata hawti Kô - 5 pa; James Lapi(L), Laty Khihpa ta Masiah vâta hrona a vaw pahlei hapa   taokheina hnei pata, ama taokheizie palâsana châ ta Phusâ Tlaw, Thykha (Rs,10,000/-)  cha vâdua âtyhpa Nô nata Paw hnohta ama hlâ. 

He taokheina Programme he Puhpa N. Abela, Social  Welfare Officer, SWD MADC ta a chhihtha.

Daihti pavaosana Thlahchhâna hneipa ta Puhpa T Seido EM (SWD), MADC, chata "Hrochhôh eimâ tyhpa maih he Abeipa tuapa hawhta a py lymâ awpa he ngiapatuhpazy eima tao awpa a châ. Abeipa bie ta, 'na pachâpazy he ei pachâna châ leipa ta,nâ chhuahpazy chhao ei chhuahna châ hra vei', miah a tah. Hmoto zydua he Abeipa ryhraona ry liata a siepa châ pita, chavâta eima chô liata hmo a tlôpazy he âpyhna dâh thai chyu suh vy", tah pata pasyuna bie a rei. 

Puhpa Beirahmo Syhly, EM (RD), MADC chhaota 'Nama chãta phalei awpa Abeipa ta khâpa hmah cha taopa beih aw v'ei na', a tah, tahpa a tlychaka pata pasyuna bie pha kawpa  reina a hnei hra. 

He taokheina Programme liata Official tawhta âhlao theipazy cha Pihnô Patricia T Azyu, AA&CO, Art& Culture Deptt., MADC, Puhpa N.Abela, SWO, SWD, Ls. K.Jenny, Cash Clark ,SWD, nata EM(SWD) liata a duty pazy ama châ.   

New Laty liata zâ patih  dôhna hneikhai tawhta zâla dawh 6:00 PM ta Siaha pangai pata amâ kaw lie pakhua.

ISSUED BY:

Information & Publicity Department,

Mara Autonomous District Council,

Siaha.