Mararâh sapa nata thlahpa liata hmahsie tah a khaih thei nawpa ta “Arise & Shine” / “Thyu la, khaih teh” (Isaiah/Isai 60.1) tahpa biepipa achabapa ta noh tla beih lei London khihpi hnôh chhypa ta Mararâh zohna tawhta khaihna lâ miah chhihthatuhpa eima Missionary Revd. RA. Lorrain chhôhkhazy hnoh ta alynabie eima reih hmeiseih.

Atanoh târi 13 Phiapi, 2023 pa ta eima Missionary hnôh chaipa Pihnô Vaili â pahâ tahpa thâtih eima vaw theipa cha Marapa saw zydua ta eima palôh kei chheih ta, eima palôh â hiah ngaita. Eima Khazohpa bie hawhta chyhsapa cha athi awpa tlai na eima châ; eima Pihnô Vaili deikua miah hrolâh sa la, miah y pâ sa la, Marasawzy thlah miah palôh via chy sa la tahpa he eima kho chaipa a châ. Châhrasala eima Khazohpa ryhraona hawh ta he Khizaw liata a khitlyna cha atanoh liata  vaw chhâ ha chy ta, Thyuheihna noh liata atyh awpa ta pasai leina chô ta eima pathlie a vaw byuh haw.

He hawhpa nôpo pachârôna daihti liata Marapazy pi ta RA. Lorrain nah nôvah athei pi ta, AB. Foxall nah nôvah eimâ thei. Ama pathla Pihnô Vaili nata a vahpa Rev. L. Mark zy hmopha taona nata Marasawzy châta amâ pie pasainazy he a rônah tah pi ta, Marapa chhâ a vaw y lymâ awpa liata chhao ama moh lei beih khao aw vei.

Pihnô Vaili ta a siesaipa a vahpa Rev. L. Mark, a saw nata samoh nahzy ama mothlih tlana cha Marapazy mothlih tlana a châ – ama pachârôhna cha Marapazy pachârôhna a châ – Marapazy pi ta palôh hmeiseihpa ta taokhei pi ta, Abeipa eima Khazohpa ta ama hnoh ta Vâ thlalôhna ta vao mawh ei sy tahpa he eima thlahchhâna a châ.

Sd/-  M. Laikaw

Chief Executive Member

Mara Autonomous District Council

Siaha.

(13.11.2023).