PRESS RELEASE

NO. 03/2022

SIAHA, 14th Nawh, 2022, Chutynoh – Atanoh dawh 11:00 AM liana khata MADC Executive Secretary Official chamber liata State Bank of India Official zy nata, MADC Official thokhazy a pakyhna ama hnei. SBI tawhta Puhpa LP. Lalchangkima, Regional Manager, SBI Aizawl, Puhpa Macdonald Lalropuia, Chief Manager, SBI Siaha, Puhpa H.Kamzamuana, ABM, SBI Siaha zy a khy ei ta, MADC Complex liata ATM Booth soh nawpa chôchah ama rei pahmao.

He SBI Official nahzy he MADC Official zy tawhta Pihnô S.Lalmuanpuii, Dy. Secretary (Finance), Puhpa Hc.Beikhai, Dy. Secretary (GAD), Puhpa Derick Salai Solo, Under Secretary, DP&AR,  Puhpa BL.Khuhly, AAO, Finance, Puhpa MC. Beihrohmô AAO, Finance nata Puhpa Syuhló Beichákhei Mara, Ps to CEM zyta apha kawpa nata a ly kawpata amá vaw ly.

MADC Chief Executive Member nata Executive Secretary zy hmalana vata, MADC Office chhôh liata ATM Booth bôh awpa nata, SBI Branch thiehpa Siaha liata so chhi awpa ahawna a ma vaw tao chiepa chadai pazi awpa nata reipahmao aw pata MADC vaw tlyhpa cha eita, CEM nata Executive Secretary he chhokha la rypao leina vata Pihno S. Lalmuanpuii, D.S (Finance) chhithana ry liata a vaw ly ua awpa ama vaw tahpa hawhta he regional manager he a pakyhpa ama châ.

MADC Official vyuhpa ta Pinó S.Lalmuanpuii, Dy. Secretary (Finance) ta alynabie reih ta,  eima ráh ta ATM Booth nata SBI Branch thiehpa eimà ngiahzie reina zy hnei ta, atanoh liata eima ngiapazy pahnohpata SBI liata Official nazyta ama vaw tlyh theipa vata ama chô la liata alyna bie reih ta, atahma ta SBI, Siaha Manager thiehpa Puhpa Macdonald Lalropuia Siaha liata a vaw y tawhta SBI nata MADC nahzy eimà hrialáhna aphazie reihpa ta, kyhto liata manager thiehpa heta Siaha cháta contribution a hneiphana zie a reih pah hra. Pihnô S. Lalmuanpuii, Dy. Secretary (Finance) heta Puhpa LP. Lalchangkima, Regional Manager, SBI Aizawl nata a lapinô châta hmohsai hlana (present) a hneipa hra. 

Puhpa LP. Lalchangkima, Regional Manager, SBI Aizawl ta bie reihna hnei hra ta, ATM booth nata SBI Branch pahychhi via awpa amá chhuahpa váta,   Siaha kaw tlyhpa achâ zie reih ta, thlaita hlaotlohna chhao hmó awpa amá hnabeiseihzie chhao a reih hra.

Thopi pahàh kawpa dopahmaohna hnei khaipa a chà tawhta MADC Office Complex liata ATM Booth so nawpa su zy mopasia pàpa a chà. 

ISSUED BY

Information & Publicity Department, 

Mara Autonomous District Council, Siaha.