PRESS RELEASE 

NO.69/2026

Siaha, târi 20 Thlazoh, 2026 (Pohbienoh) - Atanoh dawh 11: 00 AM liana khata District Panchayat Resource Centre (DPRC) Hall, Meisavaih West,Siaha liata Siaha District liata Village Councils (VCs)-33 zy hnohta Mara Autonomous District Council (MADC) liata Local Administration Department (LAD) pachhuapanohpa ta apuapa Hnaihny pachhaihpazaohna nata kohkina dâh chochah liata pachuna nata pahnosana hneipa a cha.

Sensitization training on Solid Waste Management Rules, 2026' programme he MADC Local Administratiom Officer (LAO) Puhpa Henry PL Hnaihly ta a chhitha.

RGSA liata Head Faculty Pihnô Lalenkawli ta  'Solid Waste Management Rules, 2026' chôchâh pahno awpa peimawhpazy nata hnaihny kohkina kyh liata Supreme Court bie papuapa zy cha powerpoint presentation hmâpa ta pachuna a hnei. Siaha khichhôh nata khôtho VCs zy ta ama vaih nochâ liata dâh ta ahnawpa- hnaihny thyna dâh moto ta zyh awpa nata dâh pasai leina zieta ta hnaihny athypazy cha pacheisa/hriena pie theipa ama châ awpa zie VC information tawhta pahnosa tao awpa ta VCs zy âhaw ei. Hiahrina nata achhyna daihti hmâpa a châ hra.

Puhpa Henry PL Hnaihly, Local Administratiom Officer (LAO), MADC chhaota pachuna nata pahnosana hneipa ta, eima ráh liata court sâhchaipa Supreme Court ta India râh liata khihpi, khito nata vaihto avaw pathaih via lymâ thei n'awpa ta dâh miah a taopa cha hmâh lymâ awpa a châ tahpa reipasiana nata reipakawna hneipa ta, India ti nata râh chyhsa eima châna hawta khitlâh pathaina kyh liata khitlâh chhihthatuhpa VCs zy ama maohphaohna(duty) achâzie zy reipasiana nata chhopasiana a hnei.

UD&PA lia Data Entry Operator Pihnô K. Lalruatpuii ta  'Solid Waste Management Rules, 2026' kyh chhopasiana a hnei hra.

ISSUED BY:

Information & Publicity Department,

Mara Autonomous District Council,

Siaha.