PRESS RELEASE

NO.120/2022

SIAHA, 15 Thlarâh, 2022, Pobienoh - Atanoh my dawh 1:00 Pm pa ta Dy. CEM, MADC Office Chamber liata Samagra Shiksha Siaha District ry liata Block Resource Centre (BRC), Cluster Resource Centre Coordinator (CRCC) zy nata Puhpa HC. Lalmalsawma Zasai, Hon’ble Dy. CEM zy apakyh ei ta, Mararâh Education hmah pasiesa via nawpa kyh nata hmahla nawpa kyh ama reih.

Dy. CEM zachhihpa Puhpa HC. Lalmalsawma Zasai chata biereina hnei ta, “Mararâh Education duahmo he pahnopasia tah, hmahla awpa ta Resource Centre liata BRC CRCC zy he nama peimawh ngâsâ, nâmo he eima râh Education duahmo achupa nata pahno chaipa châ ei chi ta, nâmo hmâpa ta Mararâh School nata Education zy palaiseihsa awpa eimâ chhuah aw. Nama duahmo peimawhnazy pahnopa ta tiama kawpa ta chakaona rai nama hria awpa ta ei châ haw ei.”

“Samagra Sikhsa nata MADC Education Department he Single Administration châta siekhei thei awpa ta hmah eima la ngâhai. Chavâta Dual Administration palôrupa y leipa ta sie amâ chhuah” tahpa ta reih ta, Dy. CEM chata “nama Service chôchâh lia chhao thapi eima cha phia khei lymâ aw,’ tahpa ta BRC CRCC zy hnoh ta atheina hawhta ama service kyh liata hmahlakhei â chhuah zie a reih hra.

Puhpa HC. Lalmalsawma Zasai, Hon’ble Dy. CEM he Puhpa John Kenneth Syhly, Education Officer, MADC ta a chakaochahlâ.

ISSUED BY:

Information & Publicity Department

Mara Autonomous District Council

Siaha.