SIAHA, 24 Thlazoh, 2022, Pakhynoh - Atanoh dawh 1:00 PM pa ta Siaha District Cricket Association zy ta Puhpa HC. Lalmalsawma Zasai, Dy. CEM, MADC hnohta palyupalihna nata alykheina châta ano Office chamber liata memento (âtheithlâhna) pha kawpa ama hlâ.

Memento lia he hawhta alykheina bie ama roh:-

Palyupalihna

Puhpa HC. Lalmalsawma Zasai, Senior Advisor, Siaha District Cricket Association, 12th term MADC General Election liata Amôtlâh Constituency tawhta MDC châta atlyhpatlohpa na vaw châpa liata Deputy Chief Executive Member na vaw patupa he Siaha District Cricket Association ta pathipalôh hmeiseihpa ta châ lykhei pi ta, eima châ palaikheizie palâsana châta he Memento he eima cha hlâ.

Puhpa HC. Lalmalsawma Zasai, Dy. CEM chata Siaha District Cricket Association zy chô liata alynabie reih ta, hmialâ ama sie lymâ na awpa liata khokheina sâh chaipa a hlâ ei.