PRESS RELEASE

NO.76/2024

SIAHA, 18 Thlarâh, 2024, Pakhynoh – Atanoh dawh 11:00AM khata Siaha RD Block ôna chhôh liata Village Council zy châta GPDP chôchâh liata apachuna DPRC Conference Hall, Siaha liata hneipa châ ta, Siaha RD Block ry liata Village Council to tawhta President zy amâ hlao. 

Atanoh Training Programme he Puhpa K. David Lalthanmawia, Sr Faculty (DP) ta chhihtha ta, Pihnô S. Lalmuanpuii, Sr.LAO, MADC ta khichhai laipa (Chief Guest) châpa ta programme â hmâkhei ei. 

Chief Guest chata, Village Council-zy cha râh nata khihtlâh châta ama theinazy papua lymâ awpa ta pasyu ta, VC-zy cha eima District hmahsiena châta chhaichhi peimawh ngâsâpa châ ei ta, atahmâhlâ khizaw hmahsiena hawhta a adjust laih ta, district hropazy hawhta keih chakâ lymâ hra awpa nata hmahsie lymâ awpa ta bie a ta ei.

Training he State Institute of Rural Development & Panchayati Raj, Mizoram hmahlana ry liata hneipa châ ta, atanoh biepipa (Topic) atlyh chiehpa – Roles & Responsibilities of Frontline workers, Ficilitators and GPPFT, Overview on Gram Panchayat Development Plan, Village Poverty Resilient Plan nata Resource Envelope- FCC, MFC & MGNREGS zy chôchâh pachuna hneipa a châ.

He training he nohpalih (4) chhôh hnei awpa ta ryhraopa châ ta, târi 18.09.2024-21.09.2024 chhôh Resource Person raopazy ta topic atlyh chiehpa hmâpa ta pachuna he ama hnei aw. Resource Persons zy he State Panchayat Resource Centre (SPRC), District Panchayat Resource Centre (DPRC), Siaha nata District Project Management Unit(DPMU), Siaha liata Faculty zy ama châ.

GPDP Training he Siaha RD Block raohpa ta Tipa RD Block ry liata Village Council zy châta chhao hnei ngâhaipa châ ta, atahmâ ta hâta chhôh heta patlô hnabeiseihpa châ ta, training hleikhô ta Course Team zy ta Local Visit daihti ama hneipâ aw.

ISSUED BY:

Information & Publicity Department

Mara Autonomous District Council

Siaha.