PRESS RELEASE 

NO. 05/2022

Dated Siaha, the 21st NAWH, 2022 (Chutyhnoh) – Department of Personnel & Administrative Reform châ No. A.12023/1/2021 – DP&AR of 12th January, 2022 bie hawhta atanoh dawh 12:00 Noon khata Executive Secretary Official Chamber liata Secretary to District Council châ awpata Puhpa K. Vanlalliana ta Secretary to District Council a châ ngâhaipa Puhpa K. Chhihrau tawhta charge a la.

Charge âhlana programme he Puhpa Derick Salai Solo, Editor of Debate ta chhitha pata Puhpa P. Tluasa, S.E (PWD) ta Abeipa lata pavaosana, thlachhana a hnei khai tawhta charge hlana hneipa a châ. 

Charge hla tuhpa Puhpa K. Chhihrau ta biereihna chyupa hnei pata, MADC liata CEM nata a hrialahpazy khokheina toh pata Legislative Secretary he ei no (2) tlai vaw patu ha nata, Legislative Department liata a hriapa Officer nata Staff nazy ta na deichhy tyh ei ta, amoh deichhyna vata atahma duasu he a tlô theipa ei châ. Legislative Department he MADC liata châ Department peimaw kawpa châ ta, kô a vaw sie hapa liana khata Staff zy hriapasana vata Service Rules zy vaw hnei lai pita, baichhie awpazy chhao a vaw y lyma aw, tiama papua lyma awpa nata keima eina deichhypa hawna khata atahma ta Secretary to District Council thiehpa he vaw deichhy lyma awpata eicha haw ei tahpata bietahna a reih.

Secretary to District Council thiehpa Puhpa K. Vanlalliana chhaota bietahna chyupa reipata, keima deihta la hma la thei leipaw’nata, Officer nata Staff nazy ta nama theina zydua hmapata eina deichhy awpata cha haw ei nata, MADC hmasieh nawpata eima zydua ta tiama papua pata, Abeipa lata a pavaosa nachôta eima hmia liata hria awpa a ypa maih aly kawpa nata thapaw kawpata hria chyu awpata biehtana a reih hra.

Charge a hlana liana heta Legislative Department liata a hriapa Officer nata Staff zy ama hlao.

ISSUED BY –

Information & Publicity Department

Mara Autonomous District Council, Siaha.