SIAHA, 6 Thlarâh, 2022, Hriaheinoh - Satlia B. Rozamliana Tipi Ferry Beinô liata apiepasipa ri tlua haipa cha Puhpa HC. Lalmalsawma Zasai, Dy. CEM MADC, Puhpa HC. Biakcheuva, EM, MADC nata Puhpa Beihruakhai, EM, MADC zyta ri tlua tuhpazy palôhpahawh awpa nata amâ ngiahpazy deichhy awpa ta ama za tly.

Zâhnia târi noh 5 Thlarâh, 2022  my dawh 8:00 Am rachhô liata ti liata apiepasi hapa Satlia B. Rozamliana, S/o B. Lalhmingliana, Tipi Ferry khihpa ri he atanoh chhao tlua pazi lymâpa a châ.

He vâdua â tyhna kyh liata ri tluakhei awpa ta MTP Sub HQ: Amôtlâh, MTP Branches Amôtlâh, Thiahra, Riasika, nata MTP Gen. HQ: Siaha tawhta vyuhtuapa Puhpa C. Mochônô, AGS nata Puhpa Reuben Hlychho, Secretary i/c Games & Sports zy chhao atamy kha ryrao nawpa dâh mokhei awpa ta vâdua atyhna su ama za tly haw hra.

He hleikhô ta Central YLA Chhithatuhpazy chhao vâdua a tyhna su he ama tlô ha hra.