PRESS RELEASE

NO.136/2022

SIAHA, 2 Phiata, 2022, Abeipanoh - Atanoh dawh 1:00 Pm khata Sanitation Board VC-1, New Colony, Siaha zy ta  Puhpa K. Chhihrau, Executive Secretary, MADC alykheina NSV Studio, New Colony, Siaha liata ama hnei.

Programme he Puhpa Vanrozama Fanai, Vice Chairman, Sanitation Board VC - 1, New Colony, Siaha ta chhihtha ta, Pihnô N. Ziadi, Assistant Secretary, Sanitation Board VC-1, New Colony, Siaha ta devotion daihti â hmâh. Pihnô Siamkungi nata Laihsa B. Priskili zy ta  pahnie kawpa ta hlasapa ta zawpi ama palôhpahawh.

Pihnô Holly Lava, Treasurer, Sanitation Board VC-1, New Colony, Siaha nata Puhpa V. Thatingia, Chairman, Sanitation Board VC - 1, New Colony, Siaha zy ta pasyunabie pha kawpa reina ama hnei hra.

Alykheina ryuchâ (citation) liata he hawhta ama roh:

Puhpa K. Chhihrau, Executive Secretary, MADC, Siaha, Mara Autonomous District Council, Siaha liata Executive Secretary na châpa he VC - 1, New Colony zawpizy nata Sanitation Board zy pi ta châ palaikhei hmeiseih pi ta, Khazohpa nata sawhkhâ châta, ngâchhihpa nata tiamapa ta hria awpa ta khokheina eima cha hlâ.

Puhpa K. Chhihrau, Executive Secretary, MADC ta pasyunabie a reipa tlâhpi viapazy:

1. Ahmôpakhyna chhihthatuhpa chairman, Sanitation Board liata nôpawpa nata member zydua chô lâ liata alynabie ei reih. He programme he   mopa ta la nawh kaw hra sala, keima nata ei lahpi nata saw chhôhkha châta cha hmosôh ngaitapa nata palyupalihna rônahpa nata khochhihpa ei phuhlei ngaitapa ei topa he a rônah tah na ta, ei ly hmeiseih.

2. He alykheina programme keima châta Sanitation Board VC - 1, New Colony, Siaha ta tao amâ chhuah tahpa ei pahno pataw nahta, a zâ sai palie na ta, khâpa hmophapa ma ei New Colony - 1 châ heta ei tao tahpa kei nata kei azâ hiahri na ta, khâpahmah ei taopa za y hlei leipa ta, ei kâ vaw chhie pâ kaw ta, châhrasala, ei palôhrupa liata khopasana ei hneipa he Khazohpa ta New Colony VC-1 sanitation Board pathipalôh liata bie a reihpa a châ hih za tah na ta, ei ly hmeiseihpa a châ.

3. MADC liata Executive Secretary châ awpa ta charge eimâ hlâ nohta ei reipa cha, ES ei châna lâ tawhta rai ei hria tua chai awpa cha kô uthei kawpa nah Pensioner zy ta khiliah liata phusâ la awpa ta ATM Booth liata âmâ patlâh (queue) pa ei hmô nah heta ei palôh na hria kaw ta, âmozy châ heta MADC Complex chhôh lia heta ATM Booth soh awpa he ei vaw chhuah chaipa a châ. Khazoh ngiachhiena vâta a hlao a vaw tloh ha hra. Ei ly hmeiseihpa a vaw châ.

4. MADC a vaw daohtuhpa zawpi châta pazôsâna, lyupâhpuana, apasipathaina (Toilet) a y leipa he ei palôh na hria kaw heih ta, atahmâ cha Khazohpa ngiachhiena vâta MADC Main Building liata Ground Floor, First Floor nata Second Floor liata Chanô châ nata Chapaw châta a noeihta ta Toilet vaw hnei ha bâ pi ta aly â chhih hmeiseih.

5. MADC Main Building chhôh liata Toilet yna maih liata riethei kawpa ta my tota Peon zy ta ti (water) ama paly tyhpazy ei za pachâ nah ta, ei ngia na chhie kaw ei ta, Khazohpa ngiachhiena vâta atahmâ cha ti paly byuh khao leipa ta Toilet Tap tawhta 24 hours ti pua thei awpa ta vaw tao ha pita a ly âchhih hmeiseih.

6. Kei he khâhmah a châ leipa chhôhkha tawhta a vaw laiseihpa vaw châ na ta, Khazohpa ta na ngiachhhie ta, khâhmah a châ leipa tawhta atahmâ duasu liata na vaw paduasa ta, cha vâta, eima Khazohpa he achhy tlâh Khazohpa a châ hmeiseih tahpa ei za reih khoh kawpa a châ. Tiama papuapa nata ngâchhih kawna chôta raihria ta Khazoh pahnona chôta raihria ta, hmialâ eima tôh lymâ khiahta cha, eima Beipa eima Khazohpa heta miah a heihsai leipaw ta, hlaotlohna chhao a y cheingei aw tahpa he ei za reih khoh kawpa châ ta, cha hawhta hro hmâhta hnabeidy leipa ta tiama kawpa nata palôh hnei kawpa ta raihria lymâ awpa ta ei châ haw ei.

Ei châ ly kaw ei. 

Puhpa K. Chhihrau, Executive Secretary, MADC he Official lâ tawhta Puhpa Pawsa Lava, AITO, Puhpa T. Pabua, Cameraman nata Puhpa Michael Lalhmangaihthangzuala zy ta ama chakaochahlâh.

Pihnô Holly Lava, Treasurer, Sanitation Board VC-1, New Colony, Siaha ta thlahchhâna ta daihti a pachhâsa.

ISSUED BY:

Information & Publicity Department

Mara Autonomous District Council

Siaha.