PRESS RELEASE

No.116/2020

SIAHA, 31 Khihpa, 2020 - Atanoh dawh 12:00 Pm pa ta Saikao Bazar Shed liata Puhpa B. Luaha, Saikao Biatuhpa MDC, Vice Chairman, Planning (Plg.) & Development Board thiehpa alykheina Programme ahmâpa a châ.

Puhpa T. Rahry, President, BJP Unit, Saikao ta Programme chhihtha ta, Rev. AZ. Beirôna, General Secretary, CCI (M) HQ: Saikao ta Devotion a hnei.

Puhpa Beirôkhu Beitâ, I & PO, MADC ta Officials nata Siaha tawhta azu hropazy hmia pahnosana a hnei.

Puhpa B. Luaha biereina hnei awpa ta hruapa châta, alykheina Programme liata avaw hlaopa EM, MADC Officers & Staff nata Khitlâh nôpawpazy, Party nôpawpazy nata Saikao bia zawpi lâta anaohna nata alynabie reina a hnei. Ary liata palâsapazy he a bierei tlâhpi viapazy a châ:-

1. Atanoh daihti pha kawpa miah pie tuhpa nata châna rônah kawpa nâ pie tuhpa eima Khazohpa hnoh ta alynabie reih na ta, châna pha nâ khokhei tuhpa eima MADC nôpawpazy hnoh ta alynabie ei reih.

2. Nâ khokhei tuhpa ei bia zawpizy hnoh ta alynabie reih na ta, râh chakaona rai hria awpa ta ei vaw pie tawhta ei bia zawpizy ta mo pakha mo pakha ta navaw vote lymâ ei ta, atanoh daihti liata cha he ei bia zawpi zydua, keima nâ vote mâh leipa y khao lei pa ei chi ta; nama chô liata palôh hmeiseihpa alynabie ei reih.

3. Atanoh alykheina Vao sôcharu sai pôh 3 thiepa vaw châ ta, he hawhta nohâh nâ tao tuhpa eima VC nata khitlâh nôpawpazy, Party lâta nôpawpazy nata ei bia zawpizy hnoh ta palôh hmeiseihpa ta alynabie ei reih.

4. Ei hia zawpizy nama khokheina nata saiheina zawhzi ta he hawhpa duahmo liata ei duah; ei châna lia ngâlâh palôh apatlâhsa thlâh leipa ta, ei theina zydua papuapa ta khih nata râh châta ei hria lymâ aw.

5. Apha kawpa ta ei rai ei hria pazao lymâ thei nawpa ta pakah paleih ngâlâh dei châ leipa ta thlahchhâna ta na deichhy lymâ awpa ta ei bia zawpizy ei châ haw hmeiseih ei.

6. MADC ry liata Planning & Development Board he Board peimawh kawpa châ ta, MADC ta Centre sawhkhâ lâta Project eima taopa zydua he Board siepahliepa ta tao tyhpa a châ; he hawhpa maohphaohna sâh kawpa liata raihria tuhpazy mohôh thei awpa ei châpa he Khazohpa khokheina a châ; ei ly hmeiseih.

7. MADC liata Officer & staff pha kawpazy Khazohpa ta miah pie ta, âmozy zawhzi ta Mararâh châta rai pha kawpa hria papua awpa ta hnabeiseihna lai kawpa ei hnei.

8. Politics vâta atah thai leina a y pathlei awpa he apha eima tah tlâ nahta pangiasa vana; adeichhy veichâh ta, eima râh liata hârâ nôhmei nata khihsa riethei viapazy mohôh awpa he eima maohphaohna a châ. Chavâta apha kawpa ta hriaparaoh lymâ awpa ta ei bia zawpi zy chahrua ei na ta, ei châ haw hmeiseih hra ei.

9. Eima bia liata zawpizy nata khitlâh nôpawpazy ta Khih & Vaihtlâh châta hmopha tao awpa ta nâ pasopakâ tuhpa châ chyu awpa ta ei châ haw ei.

10. Biatuhpa ei châna hawh ta khitlâh nôpawpazy nahta apha kawpa ta hriaparaoh lymâ awpa he khoh na ta, nâmo chakanazie ta rai hria achhuah vana tahpa he ei rei khoh.

11. Mararâh liata Awnanopa lâta pakhaih tua chaipa bia nata Missionary atyuna bia eima châ no ta hmahsiena kyh lia deikua Mararâh liata khi hropazy ta miah arâsai khai bâ ei ta, achadai papha hra awpa ta ei bia liata zawpizy kyh totie liata eima tiama lymâ awpa apeimawh hmeiseih.

12. Achhâ chaina liata he Vice Chairman he, châna asâh kawpa châ vei hra sala, keimo châta cha asôh ngaita; chânazy he keimo ta khoh kaw hra ei si la Khazohpa ryhrao leipa ta chyhsapa ta rei papua thaipa châ vei; he hawhpa duahmo liata Saikao bia miah cheichalo tuhpa eima Khazohpa hnoh ta alynabie ei reih hmeiseih. Atanoh liata nâ lykhei tuhpa zydua hnoh ta palôh hmeiseihpa ta alynabie ei reih.

Puhpa Beirahmô Syhly, EM i/c Sports etc., Puhpa M. Laikaw, MDC & President, BJP Siaha District nata Satlia Delson Nôtlia, State Secretary, BJP & Vice President, Centre Monitoring Scheme, Mizoram zy ta biereina chyupa hnei chyu hra ei ta, daihti chhâna lâ liata Pihnô Chhuadei, President, VC, Saikao ta alynabie reina a hnei.

Laihsa Chhingpuii Azyu, Artiste ta zawpi avypazy palôhpahawhpa ta h

Pawsa Lava, [03.08.20 12:39]

lasana a hnei.

MADC nôpawpa nata Officials, alykheina liata ahlao theipazy:-

1. Puhpa V. VB. Byhna, EM (RD etc. )

2. Puhpa Beirahmo Syhly, EM (Sports etc.)

3. Puhpa Pachi Hlychho, CP & R

4. Puhpa Beimosa Azyu, P & DO

5. Puhpa Vabeikhaihmo Solo, SCO

6. Puhpa Beirokhu Beita, I & PO

7. Puhpa T. Beihronga, ASCO

8. KT. Beimokhai, Staff, IPRD

Puhpa B. Luaha he Party lâ tawhta nôpawpa Puhpa M. Laikaw, President, BJP, Siaha District nata a hrialâhpazy ta azâ lykhei hra ei ta, Aizawl tawhta Puhpa Delson Notlia, State Secretary, BJP & Vice President, Centre Monitoring Scheme, Mizoram ta asu liata ahlaopa ta â kaw lykhei hra.

Alykheina châta Saikao khih liata VC, Political Party nata NGO zy chhao chârohpa  (Citation) hlâ ei ta, Vao sôcharupa sa isâ 3 thiehpa ta zâlâ kyhchhina chhao hnei pâpa a châ.

ISSUED BY:-

Information & Public Relations Department

Mara Autonomous District Council

Siaha.