PRESS RELEASE

NO.100/2024

CHAKHEI, 31 Phiata, 2024, Pobienoh - Atamy dawh 7:00 AM kha ta Puhpa Tiahlei Syuhlô, Hon’ble EM i/c E & F Department etc. MADC ta Chakhei Range Office tlypa ta Officers & Staff zy hnoh ta pasyuna bie a reih.

Puhpa Tiahlei Syuhlô, Hon’ble EM chata Forest Chakhei Range he, kahlâ tawhta ama raihria a pha kaw tah ta, a hriatuhpa Officers nata Staff nahzy apalaikhei tlâh ama châzie a reih. 

EM zachhihpa chata, “E & F Department he Mararâh nohâh pa-ytuhpa peimawh kawpa châ ta, roadside plantation hleikhô ta Forest Rest House nata nursery bed zy chhao he zawpi ta eima hmâ phahnai kawpa a châ.”

“Nagar Van Yojana (NVY) ry liata MADC Environment & Forest Department ta Siaha Tlâhpi liata eima raihriapa he Mizoram liata hlao patloh tuh pha chaipa eima châ tahpa inspector nahzy ta miah ama chho; eimâ ly kaw. He hawhta a châ no ta Forest Range to ta eima râh - Mararâh châta tiama eima papua via lymâ awpa châ ta, eima raihria nata activity nano nanopazy zawpi pahno thei awpa ta social media liata eima post tyh hra awpa he hmo phapa a châ”

“E & F Department ry liata Posting transfer zy eima tao tyhpa he eimâ thôhkhei kaw; chyhsa anuapa ta taopa châ leipa ta, promotion vâ nata rai athai viapazy eimâ rairuah laihpa he ta Department hmiaphao thiehpa nata hmahsiena khochhihpa eima hmô lymâna a châ” tah ta, promotion hmô tlâh châ awpa ta tiama kawpa ta rai hria chyu awpa ta pasyuna bie pha kawpa reih ta, Chakhei liata Forest Rest House chhao thlai ta sapa a châ thei nawpa ta hmahla haipa a châ tahpa reih ta, a sa nawpa su chhao atamy liata a mohpasia pâ hra.

Puhpa N. Sapliankhuma, FRO, Chakhei Range nata staff zy ta a daihti sôh kawpa paruapa ta a vaw tlytuhpa Puhpa Tiahlei Syuhlô, EM hnoh ta alynabie reih ei ta, Siaha su liata E & F Department staff Conference ahlao awpa ta staff thokha ama sie hapa vâta atamy liata staff amâ ki thei leipa kyh liata pachâthaina amâ haw.

Puhpa Tiahlei Syuhlô, Hon’ble EM he Beirôkhu Beitâ, I&PO nata Ngoko Chozah, Volunteer Staff, I & P Department zy ta ama chakaochahlâh.

ISSUED BY:

Information & Publicity Department

Mara Autonomous District Council

Siaha.