PRESS RELEASE

NO.89/2024

SIAHA, 11 Phiata, 2024, Chutynoh - Atanoh dawh 10:30 AM pa ta MADC Environment & Forests Conference Hall liata 32nd District Level Childrens' Science Congress hneipa liata Puhpa Tiahlei Syuhlô, Hon’ble Executive Member (EM) i/c Environment & Forests etc. MADC cha Chief Guest châpa ta chhaih khana programme a hmâkhei.

Puhpa Tiahlei Syuhlô, EM zachhihpa chata biereina chyupa daihti hmâh ta, atanoh liata daihti phapa hmâ thei awpa ta tlâhna byhnâ a pietuhpa Khazohpa hnohta nata Organiser nahzy hnohta alynabie reih ta, congress a vaw hlaopa zydua hnoh ta anaohna samaw a hlâ ei.

“Childrens' Science Congress he national level liata cha kô 1993 liata hmâ pathaopa châ ta, Mizoram lia deikua kô 2016 tawhta eima vaw hmâh pathaopa châ ta, kô hro lâta tao tyhpa hawhta atakô chhao biepipa châta ‘Understanding ecosystem for health and well-being’ hmâpa a châ; ecosystem yzie cha kao nano nanopa ta chhopasiana y thei aw ta, he liata â chhuhpa ta ei pahnopa cha Khazohpa kuzô - hmohrohneipa, a hnei leipa, râhsa etc. zy he chyhsa hrona/hnatlâna nahta ataozao khaipa a châ vâta apha kawpa ta mohôh tah pabohsa lymâ awpa he a châ. He kyh liata pachuna nata achuna he peimawh kaw ta, eima râh liata Tokolo Wild Life Sanctuary nata Pala Wetland zy hnei pi ta, Pala Wetland chhochhi he cha UNESCO ta kô 2021 liata Ramsar Site ta phuah ha ta, atahmâ he su nano nanopa tawhta chyhsa hluhpizy ta a thâtih achu awpa ta ama vaw tly ngâhai. Keimo ahneituhpa, a râh leilôsawzy ta achuna châh nata pasôna châh pahno si la, eima pabohsa lymâ awpa he a peimawh kawpa a châ” tah ta, atanoh liata Congress avaw hlaopa Student-zy cha eima râh ta eima mokhâhpa, eima râh thâ apapha thei tuhpa nama châ tah ta, he 32nd District Level Childrens' Science Congress he apha kawpa hnei tah, State nata National Level lia taihta ahlao tah, hlaotlohna khochhihpa hnei awpa ta khokheina a hlâ chyu ei.

Atakô District Level Childrens' Science Congress, ei 32-na he Siaha District Samagra Shiksha nata Science Teachers’ Association Mizoram (STAM) zy ta ama pachhuapanohpa châ ta, Laihsa Monalisa Zawtha, Member, DOC ta chhihthana ry liata hmâpa a châ.

Programme he Inaugural nata Technical Session ta pachhaihpa châ ta, Inaugural Session liata Puhpa T. Chatlua, Addl. DPC, Samagra ta 'welcome address' reih ta, Laihsa Florence T. Azyu, Academic Coordinator ta report a pie. Lalrinkimi, Gov't H/S, New Siaha tawhta hlasana nahthliepa châ ta, Session khaw nawpa châta Puhpa Lalropuia Chinzah, District Coordinator, CSC ta 'vote of thanks' a reih.

Technical Session liata team charu ta presentation hneipa ta State level liata district vyuhpa ta sie awpa ta competition hnei pazaopa a châ.

ISSUED BY:

Information & Publicity Department

Mara Autonomous District Council

Siaha.