PRESS RELEASE 

NO.48/2026 

Siaha, târi 11 Chhiepa, 2026 (Pohbienoh) - Atanoh dawh 10 : 00 AM liana khata Observance of Green Mizoram Day, 2026 Programme cha Forest Conference Hall, MADC complex liata hmâpa châ ta; Puhpa Tiahlei Syuhlo, Executive Member (Forest), MADC cha Chief Guest châpa ta  he programme he a hmâkhei.

Observance of Green Mizoram Day 2026 he "Trees are green gold, roots of all life" tahpa theme hmâpa ta a Programme a hmâpa a châ. He Programme he Puhpa Abraham Beirazi Khithie, Addl. DC, Siaha District cha Chairman châpa ta daihti  chhihtha ta, Puhpa Vabeikhaihmo Solo, Conservator of Forest, EF & CC Deptt., MADC ta Abeipa hnohta daihti pavaosana a hnei.

Chief Guest Puhpa Tiahlei Syuhlo, EM (Forest) ta Programme âhlaopazy hnohta nata Observance of Green Mizoram Day 2026 liata Chief Guest châ awpa ta khokheina a patosa tuhpenawh District Level Committee on Green Mizoram, Siaha District hnohta alynabie reina a hnei khai tawhta biereina a hneipazi. 

Chief Guest bierei tlâhpi viapazy;-

1) Eima Râh liata Thochiah nata thodaw he vâro tlai bopa ta vaw loh ha pi ta, he he khazie tlaima hroh ta a pitloh tahpa he eima pachâ pazi awpa ta ei khoh.

2) Tho phapa hnei awpa khona vâta Forest Department ta Râhmâh tawhta nata Su hropa tawhta Thochi he lapa ta soh nah thih, tha nah zâh hluhpi hryuhpa ta vaw parie tyh ta, cha cha papi patlohsa cheingei awpa achhuahna siahliapa hnei leipa ta eima loh tyhpa he a pei kaw.

3) Thodaw nata Thochiah zy he tlâ bô ta loh chakhyh awpa chi châ leipa ta, achyh chaina lâta kô no kô thôh chhâ he cha mohôh pazi byupa a châ.

4) Kô hrota eima tao tyhna hawhta châ khao leipa ta, atanoh tawhna he cha achhuahna siahliapa hneipa ta, Thodaw he papi patlohsa cheingei awpa ta, loh ta, mohôh pazi awpa ta ei châ haw ei.

5) Atanoh ta Students he programme âvawhlaopazy chhao ei chi ta, Student ei châ no ta Thodaw ei lopa a châ hih, tahpa ta rei awpa nama hneina awpa ta Thodaw he loh chyu hr'awpa ta ei cha hrua ei.

Distribution of Best Combating Village Level Fire Prevention Award nata Distribution of Best Media in Fire Prevention Award reports nata Lymâ raina cha Puhpa Jimmy N. Ramdina, DCF, EF & CC Deptt., MADC ta chhihtha ta; Lymâ adaopazy cha:- 

Best Combating Village Level Fire Prevention Award:-

1st prize  - Tôkalô     (Rs,50,000/- + Citation)

2nd prize - Amôtlâh (Rs,30,000/- + Citation)

3rd prize -  Tisi          (Rs,20,000/- + Citation)

Best Media in Fire Prevention Award 

1st prize  - Kawl Eng

2nd prize - Moonlight 

3rd prize -  Maraland

He Programme âhlaopazy Krismasspawti Hlychho ta pahnie kawpa ta hlasapa ta a palôhpahawh ei.

Chairman ta programme âhlaopa zydua hnohta alynabie reih ta, Foxal Higher Secondary school, New Colony, Siaha Students zy programme hlaopatloh n'awpa ta programme ama vaw hlao theipa vâta ama chô liata alynabie a rei hra. Chairman ta alynabie arei khai tawhta daihti pachhâpa a châ.

Forest Conference Hall liata Programme pachhâpa a châ tawhna heta MADC ry liata Departments ry liata ahriapazy, Gov't of Mizoram ry liata Offices (Siaha District) ry liata ahriapazy, MTP HQ nata MSO HQ Chhihthatuhpazy ta Tipi Ferry Lâthlô (Tipi Ferry Road) kiah nata Tisopi Lâthlô (Tisopi Road) kiah liata Thodaw Lona ( Planting of Seedling) ama hnei.

ISSUED BY :

Information & Publicity Department 

Mara Autonomous District Council 

Siaha.