PRESS RELEASE 

NO.185/2022

SIAHA, 21 Phiapi, 2022, Hriatuanoh - Atanoh dawh 11:00 Am pa kha ta MADC Forest Conference Hall, Siaha liata 69th All India Cooperative Week, 2022 Closing function ahmâpa châ ta, he liata Puhpa TA. James Riatha, Hon’ble EM i/c Cooperation etc. MADC ta khichhai laipa châpa ta programme a hmâ khei. 

He Week Closing Function he Siaha District Cooperative Union pachhuahpanohpa châ ta, Puhpa N. Vabeilai, President, Siaha District Cooperative Union ta programme chhihtha ta, Rev. Dr. ST. Zawsi ta Devotion a hmâ khai tawhta khichhai laipa Puhpa TA. James Riatha, Hon’ble EM chata biereina a hnei. 

"Siaha District Cooperative Union zy ta atanoh 69th All India Cooperative Week, 2022 closing function ama pachhuapanohpa liata khichhai laipa eichâ theipa he, aly kaw na ta, nâ khokhei tuhpa union leader zy hnoh ta alynabie ei reih. Cooperative Week he India Prime Minister parohpa Puhpa Jawaharlal Nehru athei thlâh nawpata kô 1953 pa tawhna khata hmâ pathaopa vaw châ ta, âtanoh a kô 69-na eima vawtlô theipa he alypa a châ hmeiseih.”

“MADC liata Cooperation Department ato tuhpa ei châna hawhta Cooperative Society hmahsie nawpa pachâpa ta hmahla ngâhaipa châ ta, a hlaotlohna chhao eima hmô lymâ nata ei pangiasa. Cooperative Society ta â chhuah chaipa cha hriaparaohna phapa (Cooperation) he châ ta, hriaparaohna phapa ta theilâpa phapa papua ta, chavâta hriaparaohna phapa hnei lymâ awpata eichâ haw ei.”

“Cooperative Society heta Industry lai kawpa hluhpi vaw sa papua ta, cha hry liata alai viapazy cha Agriculture, Banking nata Housing zy he a châ. He nahzy hmâpa heta chyhsa vâropi tlaita nietluana phapa hneipa ta adua papua nawpata vaw hmâ ha ei ta, Cooperative Society raihriapa he a rônah ngaita.”

“Cooperative Movement he movement uhthei kawpa châ ta, kô 1949 tawh khata vaw y pathao hapa a châ. India Economic nata GDP pasâh tuhpa peimawh kawpa cha Cooperative Union he châ ta, Cooperative Society heta chyhsa vâropi vaw padua papua ha ta, rietheipazy amâ duapapua thei nawpa nata hmah pasiesa nawpata chhaichhi peimawh kawpa a châpa vâta, tiama kawpa nata rei araoh kawpa ta Cooperative Society hmah pasiesa via lymâ awpata châ haw ei na ta, khokheina sâh chaipa ei cha hlâ ei."

“He 69th All India Cooperative Week biepipa châ he ta, ‘Growth of Cooperatives & Future Ahead’ hmâpa a châ.”

ISSUED BY:

Information & Publicity Department

Mara Autonomous District Council

Siaha.