PRESS RELEASE

NO.63/2024

SIAHA, 27 Thlazoh, 2024, Hriaheinoh – Puhpa T. Seido, Hon’ble Executive Member (EM), i/c Sports & Youth Services Department etc., Mara Autonomous District Council (MADC) ta atanoh dawh 2:00 PM kha ta Shillong MSO zy hmâ awpa Jersey, MADC Sports & Youth Services Department, MADC ta s ponsor-pa cha ano office chamber liata hlâna a hnei.

He hlâna daihti he Puhpa S. Vabeihasa, Sports & Youth Officer, MADC ta chhihtha ta, Jersey he Puhpa T. Seido, Hon’ble EM ta Shillong MSO vyuhtuapa laihsa VT. Tintisnerry Hrozachhinô, member hnoh ta a hlâ.

Puhpa T. Seido chata pasyunabie chyupa reih ta, “atanoh liata Jersey chynawh kawpa eima cha hlâpa he, reikhi tloh vei hra sala, eima theina rakha a châ” tah ta, “Mararâh ta achuhaipazy eima cha mokhâh thlâh ha – he râh châta châ nama chu tahpa athei thlâh ha u la, Mara zawpizy chhao ta eima thlahchhâna liata châ thei lymâ pi ta, hnabeiseihna lai kawpa eima hnei. Hmialâ Mararâh he nâmo thyutliapazy ku liata â pahnieh” tah ta tiama kawpa ta achuna pachâ peimawh lymâ awpa ta, atanoh Shillong MSO vyuhtuapazy hnoh ta pasyuna bie nata khokheina bie pha kawpa a reih.

Atahmâno he Shillong liata Notla Mararâh tawhta achuhaipa manôh 800 hlei y ngâhai ei ta, Nochhi Mararâh lâ tawhta 100 hlei ama y ngâhai hra tahpa Shillong MSO leader-zy tawhta biedaopa a châ.

Atanoh liata Shillong MSO vyuhpa ta avy theipazy cha Jobeth Beirapatha, Executive Member, VT. Tintisnerry Hrozachhinô, Member, Amosa Khithie, Member zy ama châ.

MADC Official tawhta Puhpa Beirôkhu Beitâ, I&PO ta Puhpa T. Seido, EM zachhihpa he a chakaochahlâh hra.

ISSUED BY:

Information & Publicity Department

Mara Autonomous District Council

Siaha.