Puhpa T. Seido, Hon’ble EM MADC ta MTC châta refrigerator hlâ

SIAHA, 7 Pamih 2024, Pobienoh - Atanoh dawh 1:00 PM kha ta Puhpa T. Seido, Hon’ble EM MADC ta Siaha ECM Vaih liata Maraland Theological College (MTC) su tlypa ta ato Department mohôhpa Social Welfare Department moh ta MTC châta refrigerator hlâna daihti a hmâh.

He refrigerator hlâna liata Rev. Setha Solo, Principal, MTC ta chhihtha ta, Puhpa T. Seido, Hon’ble EM ta biereina a hnei. A biereina liata Puhpa T. Seido chata ECM ry liata Awnano Machâ pakha a châ taraw hrapa ta MTC su he a tly beih leizie reih ta, atanoh liata tlyna daihti a hneipa cha â lyzie reih ta, Social Welfare Department he MADC ry liata Department chynawh kawpa châ hrasala MTC liata kuhnie pathla hra awpa ama khoh vâta hmo chynawh kawpa châ hrasa ama hmo hlâpa he avaw pyh ta, a vaw hlâh awpa ta ahawna tao ta, MTC ry liata ahriapa Principal nata a hrialâhpazy hnohta khokheina bie nata pasyunabie pha kawpa reina a hnei.