PRESS RELEASE

NO.36/2025

SIAHA, 3 Pachawh, 2025, Pobienoh - Atanoh dawh 3:00 PM kha ta Puhpa T. Seido, Hon’ble EM i/c Youth & Sports Services, Mara Autonomous District Council (MADC) ta Thosai khih liata JNV Building cha a tly. Inter District Cricket Tournament - Mizoram pôpalôhpa pahlypa ta District nano nanopazy tawhta player 120 rachhôh tlô nawpa châta patohpatiapa a châ vâta Puhpa T. Seido, Hon’ble EM he ta khichhai player nahzy arie nawpa nata pati niedo nawpa suzy mopasiana a hnei pâpa a châ.

Puhpa T. Seido, Hon’ble EM chata Thosai VC nahzy hnohta Cricket Player nahzy tlô nawpa building chhôh nata khôtho zy apathaih kawpa ta pathai awpa ta ahawna tao ta, JNV Principal Shri M. Hungyo hnohta Cricket player nahzy tlôkia nawpa châ ta JNV building a pasai vâta alynabie a reih hra.

Puhpa T. Seido, EM zachhihpa he Thosai VC nata Siaha District Cricket Association (SDCA) leader zy tawhta Reuben T. Kompa (Vice President), K. Beirathie (Secretary), K. Lalsawmliana (Treasurer) Eliakim (Executive Member) zy hleikhô ta Puhpa Jeffrey J. Khara, Moonlight Editor nata Puhpa K. Nehemia, Cameraman, Information & Publicity Department zy ta ama zi.

Cricket Association of Mizoram ry liata District zy ataopasuana 4th Inter District Cricket Tournament, Siaha District ta apatlô awpa he târi 21.04.2025 pa ta tlôpaki aw ei ta, târi 22.04.225 pa ta SDFA Playground, Meisatlâh nata Thosai Field liata akhaih raihri aw ei ta,  târi 26.04.2025 pa ta Final match akhaih awpa a châ.

ISSUED BY:-

Information & Publicity Department

Mara Autonomous District Council

Siaha.