PRESS RELEASE

NO.74/2024

SIAHA, 13 Thlarâh, 2024, Chutynoh – Atanoh my dawh 10:30 AM kha ta District Institute of Education and Training (DIET) Multipurpose Hall liata  DIET Siaha Annual Sports Week closing function ahmâpa châ ta, he liata Puhpa T. Seido, Hon’ble EM, MADC cha Chief Guest châta hruapa a châna hawhta programme a hmâkhei ei.

Puhpa T. Seido, Hon’ble EM chata biereina chyupa daihti a hmâpa liata “DIET Siaha he Mararâh zawpizy châta thaina byhnâ hnawh a châ. DIET liata achupa, pachutuhpazy nata Mararâh zawpizy ta DIET he eima pasô via lymâ awpa a peimawh” tahpa reih ta, eima râh liata DIET eima hnei thei nawpa ta tha nata zâh vaw thyutuhpa zydua chô lâta alynabie a reih.

“Chyhsa thaina nata hlaotlohna su peimawh chaipa cha eima pathipalôh he a châ. District hro lâ achuna achadai tah siehnaoh byuh leipa ta eima râh lia cheingei ta achuna su phapa eima hneipa aly âchhih hmeiseih; eima District liata DIET eima hneipa he District hropazy liata DIET ypa nahta âpathliena/ânanona y vei. Râh hmahsiena thliena peimawh kawpa Education sector liana heta eima theina zydua eima papua awpa a châ.”

“Eima râh hmiahaopa paritheipa tawhta asohsi tah, chi nata pho palaiseisatuhpa châ chyu awpata nata eima daihti zy pasô tah hmâh thai awpata achuna dei sai châ leipa ta Sports nata kyh hro lâ chhaota tiama papua via lymâ awpa a peimawh kaw” tahpa ta achuhaipazy hnohta khokheina, pasyuna nata bietana pha kawpa a reih.

He daihti liata EM zachhihpa azituhpa Puhpa S. Vabeihasa, Sports & Youth Officer, MADC nata Puhpa VT. Martin Vabeiduakhei, Asst. Sports Promotion Officer, MADC zy ta biereina chyupa daihti ama hmâh hra.

Atanoh DIET Siaha Annual Sports Week closing function programme he Puhpa C. Dennis Ngolai, Lecturer, DIET, Siaha chhihthana ry liata ahmâpa a châ.

ISSUED BY:

Information & Publicity Department

Mara Autonomous District Council

Siaha.