PRESS RELEASE 

NO. 111/2025

SIAHA, Târi 13 Thlarâh, 2025(Pachynoh) - Târi 11 Thlarâh,2025 - târi 13 Thlarâh,2025 liata  Puhpa T. Seido, EM S&YS, SWD etc, MADC ta a Bia (Laki Bia) liata  Kô Uhthei penawh zy hnohta Dailua raina nata NGOs zy hnohta hmo hlâna a hnei. 

Târi 11 Thlarâh,2025 noh, My Daw 7:00AM liata Siaha puasai pa ta Ahmypi ama pangai.  My patih VC,Ahmypi zy ta a vaw chhuahnoh ei ta, my patih dôh khai tawhta Pihno Theno, VCP Ahmypi chhihthana ry liata EM ta kô Uhthei penawh hnohta Dailua raina nata NGOs zy hnohta hmo hlâna a hnei. 

Dawh 11:30 AM liata Ahmypi puasai pa ta Khopai pangaipa a châ. Dawh 12;00 Noon liata Khopai Machâ nah hnohta Dailua raina nata NGOs zy hnota hmo hlâna EM ta a hnei. VC Khopai ta zâh patih amâ chhuanohpa châ aly kawpa ta dôhpa ta, zâh chhao Khopai liata ariepa a châ.

Târi 12 Thlarâh, 2025  My Dawh 6:00 AM liata Khopai puasai pa ta  Laki II pangaipa châta, Laki II VCP, Puhpa B.Khohai chhihthana ry liata Machâ nah hnohta EM ta Dailua raina a hnei heih. Dailua raina hneikhai tawhta VC II Laki ta my patih amâ vaw chhuanohpa cha aly kawpa ta dôh khohpa a châ.

Dawh 11:00 AM liata Laki II puasai pa ta Laki I pangai heihpa chãta, Puhpa HC  Rabei VCP Laki I chhihthana ry liata Machâ nah hnohta, Dailua raina nata NGOs nah hnohta hmo hlâna hnei pazipa a châ . Zâlâ liata Puhpa L.Zakhu (EM chhôhkha) nata a chhôkha ta záh patih amâ chhuahnohpa cha dôkhohpa a châ. Zâh daihti he Laki I liata liata hmâpa a châ. 

Târi 13 Thlarâh, 2025 Pachynoh my ta Puhpa HC Rabei ,VCP Laki I ta hrua-eihpazy châ ta my patih â chhuanoh. My patih dôh khai tawhta Public   Meeting hneipazipa a châ. 

My, dawh 11:00 AM ta Laki I puasai pa ta Khopai ama pangai, Khopai tawta dawh 1:00 PM ta Siaha pangaipa a châ.

Puhpa T.Seido EM ta a Bia (Laki Bia) a tlyna liata pasyuna bie pha kawpa rei laihta; "Ko Uthei penawh zy he za thaita hrialah pha chyu awpa ta ei châhaw ei. MADC 12th Term heta, Machâ nahzy he pachâ peimawh ngaita ta,   ama lymâ chhao papôh via hapa châta. Zawpi chhaota, Machâ nah he, 'Noh vaw chhita a tlana la pangai pata, zâlâ dawh 4 00Pm tawhta a chôlâ  hawhta sai ama châ' hapa he pahno ngâthlâh pa ta eima daodo thai ngaita awpa a châ", tahpa ta Puhpa T Seido,EM ta a rei.

EM ta, Laki Bia NGOs zy hnohta, MADC hrialâh pha chyu awpa ta ahawna tao ta, thlahchhâna chôta sie hnolo chyu awpa ta a Bia chhôh liata NGOs zy hnohta khokheina a hlâ chyu ei.

Puhpa T.Seido EM,MADC he, a personal Branch liata Staff thokha nata I&P, Department ,MADC lâ tawhta  Puhpa K. Nehemia, Cameraman zy ta ama zi.

ISSUED BY:

Information & Publicity Department 

Mara Autonomous District Council 

Siaha.