PRESS RELEASE

NO.02/2025

TIPA, 11 Nawh, 2025, Pachynoh - NYK (Nehru Yuva Kendra) Siaha Cluster sponsored pa MTP Sub-HQ Tipa pachhuahpanohpa ONE DAY Tournament liata Volleyball (Boys & Girls) Tug of War, Long Jump nata  High Jump zy ataopasuana hneipa châ ta, Puhpa T. Seido, EM i/c Sports & Youth Services Department, etc MADC cha khichhai laipa (chief guest) châpa ta â hmâkhei ei. Laihsa Roselyne Nôtlia, Co-ordinator, NYK Siaha Cluster chhao ta he tournament he â hmâkhei hra ei.

Puhpa T. Seido, EM ta pasyunabie reina hnei ta, Central Sawhkhâ ta, Thyutliapazy he pachâ peimawh kaw ta, kô 1972 pa liata NYK he Ministry of Youth Affairs and Sports ry liata Autonomous body sâkha hawhta soh ta, Thyutliapazy paritheipa tawhta amâ boh thei n’awpa nata body fitness ama hnei thei lymâ n’awpa ta, Item hluhpi tao ta, atanoh chhao he programme sie lymâpa hmâh pazao lymâpa a châ, tahpa a reih.

12 Terms MADC Sports & Youth Services Department tawh chhaota, Skill hluhpi hmâpa ta hmahla haipa a châ hra. Kô châreih ta, he a ry liata Skill zy hmâpa ta hmahla lymâpa a châ.

1. Beinô Football Academy training.

2. Fashion Designing Training.

3. Incentive  Cash Award.                                               

4. Army Recruitment. 

Thyutliapa Pheisaih a châ khohpa chhao SYSD heta a buakhei tyh hra.

He dei châ leipa ta,  Thyutliapazy paritheipa tawhta amâ boh thei n’awpa nata niebawtluana taihta hmâh thei awpa tournament hluhpi taopa a châ hra.

Puhpa T.Seido, EM ta Sports & Youth Services Department, MADC mohta hmo hlâna a hnei pâ hra.

ISSUED BY:

Information & Publicity Department

Mara Autonomous District Council

Siaha.