PRESS RELEASE

NO.75/2024

SIAHA, 13 Thlarâh, 2024, Chutynoh – Atanoh dawh 1:00PM khata Forest Hall, MADC Complex, Siaha liata Board of Mara Literature (BML) pachhuahpanohpa Revd. NC. Vabeilua châbu ropa 'Vânoh châkeih liata â duah' palâhâhna programme â hmâpa châ ta, Puhpa T. Seidô, Hon'ble Executive Member i/c Sports, etc, MADC cha khichhai laipa (chief guest) châpa ta â hmâkhei ei.

Palâhâhna programme he Puhpa K. Beingiachhie, Sr. EO (MS) & Secretary, BML, MADC ta chhihtha ta, Rev. AZ. Beirakaw, Executive Secretary (Social Mission), ECM ta Abeipa lâta pavaosana thlahchhâna daihti â hmâh.

Rev. George B. Solo ta pahnie kawpa ta châbu saichhieliena hnei ta, laihsa Florence Hlychho ta  pahnie kawpa ta hlasapa ta zawpi a palôhpahawh.

Puhpa T. Seido, EM, MADC chata, "châbu a roh thai kawpa ta châbu ama ropa palâhâh awpa he byuh kaw tyh na ta, atanoh Revd. NC. Vabeilua ta a châbu ropa pha kawpa palâhâh awpa ta eina vaw hruapa he ei ly hmeiseih," tahpa ta a reih.

"Kei hlâta Executive Members senior viapa nata, uhthei viapa ama y hôlôna hry ta, kei junior pa nata hawti viapa he châbu pha kawpa palâhâh awpa ta raopa ei vaw châpa he ei ly hmeiseih," tahpa ta châbu palâhâhtuhpa," ta a reih.

"Keimo hawhpa cha Khazohpa ta eima hrona a la ti ta, eima thâtih reih awpa y leipaw ta, Revd. NC. Vabeilua deikua a hrochhôh ta châbu pha kawpa hluhpi a ropa vâta, Abeipa ta a hrona a la daihti lia chhaota, Mara zawpi ta a thinoh my beih leipaw pi ta, a thi hnôh lâta a châbu ropa eima reih daihti liata eimâ thei ngâthlâh ha aw," tahpa ta EM ta a reih.

'Vânoh châkeih liata â duah' tahpa châbu he bukha Rs. 200 ta chalei theipa a châ.

Revd. NC. Vabeilua, Author ta alynabie reina nata châbu present a hnei khai tawhta Rev. AZ. Beirakaw, Executive Secretary (Social Mission), ECM ta byhnâ awna ta daihti a pachhâsa.

ISSUED BY:

Information & Publicity Department

Mara Autonomous District Council

Siaha.