PRESS RELEASE

NO.3/2024

SIAHA, 11 Nawh, 2024, Pobienoh - Atanoh kha Puhpa T. Seido, Hon'ble EM i/c Social Welfare etc. MADC nata a hrialâhpazy ta MADC Executive Committee bie hawh ta Lunglei liata Mara Tribal Girls’ Hostel cha a duasu mopasia awpa ta a su cheingei tlôpa ta ama tly.

Lunglei Mara Church nôpawpazy ta ama vaw mokhâh hleikhô ta pati nie chhao Awnano Hyutuhpa Machâ HC. Beihra O liata vaw pachhuapanohpa ei ta, aly kawpa ta dôh khohpa châ ta, Hostel tly khaipa a châ khô lâ ta Programme chyupa hmâpa liata Pihnô Patricia T. Azyu ta chhihtha ta, Machâ Lalnunmawia ta thlahchhâna a hnei.

He daihti liata Puhpa T. Seido, Hon'ble EM ta biereina chyupa daihti hmâh ta,  "Dr. K. Beichhua, MLA a châ ngâhaipa nata Ex-Minister phahnai ngiahna vâta he Hostel he a hneitheipa  cha  pi ta, a chô liata eimâ ly ngâsâ. Mararâh he Missionary eihpa hmâpa ta tluapapuapa eima châpa vâta, Abeipa ta nôpaw penawhzy hmâpa ta byhnâ miah a pie lymâ. Delhi lia zy, Guwahati, Shillong nata Falkawn lia zy chhao House hnei awpa ta hma la haipa a châ" tah ta,  hlaotlohna chhao thlai eima hmô awpa hnabeiseih â chhi kawpa hawh ta a reih hra. 

"MADC ry liata Social Welfare Department he nawh kaw hra sala, Abeipa ta MADC he Marasaw zy byhnâ châta miah piepa châ ta, Marasaw zydua pi ta MADC ry liata sawhkhâ rai hmô theipa châ vei hrasala, machâ kô 60 chô lâzy ta machâ baona thlachareih Rs.250/-  eima pie theipa he, MADC he eima râh châta byhnâ hnawh ta a hmapa pa-ina chhaichhi a châ."

"12th Term MADC he New Maraland vision a hneipa  châna zie lymâ hawh ta, Department to ta â phana rakha liata hmahla haipa a châ" tahpa 12th Term MADC sawhkhâna report chyupa a pie.  

Puhpa T. Seido, Hon'ble EM he ta Lunglei Mara Church Awnanopa Odyh to châta MADC Calendar 2024 sâkha sai a hlâ pâ hra ei.

Daihti chhâna liata Lunglei Mara Welfare Committee vyuhpa nata Lunglei Mara Church vyuhpa ta Puhpa K. Beihmotaosa, MPS ta alynabie reih ta, Machâ HC. Beihra ta thlahchhâna a hnei.

He Lunglei Mara Girls Hostel tlyna liata Puhpa T. Seido, EM zachhihpa he MADC Officials tawhta Pihnô Patricia T. Azyu, SWO nata Laihsa K. Jenny, LDC zy ta ama chakaochahlâh.

ISSUED BY:-

Information & Publicity Department

Mara Autonomous District Council

Siaha.