PRESS RELEASE

NO.38/2023

SIAHA, 20 Hmypi, 2023, Hriatuanoh - Atanoh dawh 1:00 PM pa ta SDFA Playground, Meisatlâh, Siaha liata Dr. K. Beichhua nata Siaha District Football Association (SDFA) pachhuahpanohpa Dr. K. Beichhua MLA Cup 2023 kick off programme liata Puhpa T. Seido, EM i/c Sports & Youth Services Department, Social Welfare Department, MADC cha khichhai laipa (chief guest) châpa ta â hmâkhei ei.

Programme he Puhpa VT. Martin Vabeiduakhei, President, SDFA ta chhihtha ta, Puhpa KT. Neikha, Vice President, SDFA ta Abeipa lâ pavaosana thlahchhâna daihti â hmâh. KTP Meisavaih Choir zy ta  pahnie kawpa ta hla paryhpa ta zawpi ama palôhpahawh.

Puhpa T. Seido, EM, MADC ta pasyunabie a reipa tlâhpi viapazy:

Atanoh he programne liata khichhai laipa (chief guest) châ awpa ta na khokheituhpa zydua chô lâ liata pathipalôh hmeiseih ta alynabie ei reih. Games zydua hry liata khizaw ta a pasâhsa patluapa cha football he a châ. Manô mapaw daihti liata ama mâ lâta hmahta ama pachâ pha leipa Artificial turf football field (playground) pha kawpa vaw hnei pi ta aly â chhih hmeiseih.

Tlyutliapazy ta football akhaih chakhyh thlâh leipa ta, palôh hmeiseih hmâna chôta tiama papuapa ta namâ khaih lymâ awpa ta ei châ haw hei. 

Atanoh he MLA Cup 2023 pachhuahpanohtuhpa Dr. K. Beichhua nata SDFA chhihtuhpazy chô lâ liata alynabie ei reih hmeiseih. Beinô Football Academy chhao hmahpasiesa via lymâ eimâ vaw chhuah aw.

Ei châ ly kaw ei.

Puhpa T. Seido, EM, MADC he Official lâ tawhta Puhpa Syuhlô Beichakhei Mara, Officer on Special Duty, MADC, Puhpa Pawsa Lava, AITO nata Puhpa K. Nehemia, Cameraman zy ta ama chakaochahlâh.

ISSUED BY:

Information & Publicity Department

Mara Autonomous District Council

Siaha.