PRESS RELEASE

NO.113/2023

SIAHA, 29 Thlazoh, 2023, Hriaheinoh - Atanoh dawh 10:30AM khata Pre-Service Trainees Union, District Institute of Education and Training (DIET) Siaha pachhuahpanohpa Sports Week 2023 Programme cha MYA Indoor Stadium, New Siaha liata âhmâhpa châ ta, Puhpa T. Seido, Executive Member (EM) i/c Sports etc., MADC cha khichhai laipa (chief guest) châpa ta â hmâkhei ei.

Programme he Puhpa Dennis C. Ngolai ta chhihtha ta, Malsawmdawngliani ta devotion â hmâh. St. Laldinthara ta welcome speech reina hnei ta, V. Lalruatpuii ta pahnie kawpa ta hlasapa ta zawpi a palôhpahawh.  

Puhpa T. Seido, EM MADC chata, "Thyutliapazy Paritheipa ama taopa vâta, hrona a pahleipa hluhpi y ei ta, thyutliapa paritheipa tao ta a hroh thlâh hapa thlâ khaoh pangai daihmâ hapa vâro y ei ta, pei ei tah hmeiseih. He hawhpa duasu liata thyutlia hluhpizy duasu pha lei kawpa liata amâ duah no ta, atanoh trainers pha kawpazy cha hnei pi ta, he hawhpa Sports Meet zy nama pachhuahpanoh theipa he aly  â chhih ei tah hmeiseih."

"Khazohpa ta hrona miah pie ta, eima hrochhôh noh daihti liata daihti sôh chaipa cha eima thyutlia daihti he a châ. College eima kiah daihti liata daihti eima pasô chaipa cha College Sports Meet zy, Picnic zy he a châ tyh. Shillong liata châ ei chu nota, Sports Meet eima hnei no ta, State hro lâ tawhta a vaw hlao hrapa pakha heta, atanoh he Sports Meet hneina liata a hmô pi ta, Sports Meet a vaw chhâ nah ta, a hmô khao leip'aw pi ta ei palôh â lie kaw aw. Chavâta, atanoh ta aly kawpa ta Sports Week namâ hmâh khopazy he mylâ hânoh liata nama vâ kaw aw. Chavâta, aly kawpa nata thapha kawpa ta namâ hmâh awpa ta khokheina ei cha hlâ ei," tahpa ta EM tah a reih. 

EM chata, "Keimo College eima kiah daihti liata a châhta la, Sports Meet zy, Picnic zy eima hmâhpha tu lei daihtizy y tyh ta, awpakhua thai'pa châ tlôh leipa ta, chavâta, tlâhna phapazy hnei ei chi ta, he hawhpa Sports Week a hmâh thei awpa ta nama ypa he, pasô thai ta aly kawpa nata thapha kawpa ta namâ hmâh awpa ta khokheina ei cha hlâ ei."

Khichhai laipa chata, "He Sports Week heta nâmo liata Kyhpachâna zy, adaodona zy, patlôsa sala, paritheipa adyuhna chhaichhi phapa vaw châ sala, nie nah do pathleih n'awpa châtazy vaw châ sala tahpa ei khoh ngaita. Paritheipa he eima zydua ta adyuh sih la, chata Khazohpa chhaota eima râh miah paduapathi heih cheingei nahta ei hnabei a seih."

Puhpa T. Seido, EM MADC chata, Sports Week hmâh awpa ta a vaw hlaopa zydua a pha kawpa ta hmâh chyu awpa ta khokheina hlâ ei ta, Sports Week liata ama hmâh awpa sôh a hlâ pâ hra ei.

ISSUED BY:

Information & Publicity Department

Mara Autonomous District Council

Siaha.