PRESS RELEASE

NO.05/2023

SIAHA, 12 Nawh, 2023, Pobienoh - Atanoh dawh 1:00 Pm pa ta Puhpa T. Seido, EM i/c i/c Sports etc. MADC ta ano mohôh awpa Departments - Sports Youth Services Department & Social Welfare Department ry liata officers & staff zy, ano official chamber liata pahmaohpa ta hmiapahnosana nata Departments châta hmo peimawhpazy reikheina a hnei.

He daihti he Puhpa JH. Beihnai, S & YO ta chhihtha ta, Puhpa T. Seido ta biereina chyupa daihti hmâh ta, Khazohpa hnoh ta alynabie a rei khai tawht atanoh liata a vy theipa officers & staff zy anaohna nata alynabie reina a hnei. Ano mohôh awpa Sports & Youth Services Department nata Social Welfare Department zy he hmah pasiesa tah, a theina hawhta Mararâh châta rai hria â chhuahpa reih ta, he kyh liata officers & staff zy cha hrialâh phapa châ awpa ta hruana tao ta, tha patlôna nata pasyuna bie chhao a reih.

Chairman ta he liata ahlao thei hrapa Puhpa Beihu Nôhro, Dy. Chief Whip, MADC cha biereina chyupa hnei awpa ta hrua ta, ano chhao alykheina bie nata department ry liata officers & staff zy hnoh ta pasyuna bie pha kawpa a reih.

Chairman Puhpa JH. Beihnai, S & YO ta chhihtha ta, ano Department yna Sports & Youth Services Department hmahlanazy report chyupa pie ta, Social Welfare Officer i/c ta y haipa Puhpa K. Laitha chhao biereina chyupa daihti piepa châ ta, EM zachhihpa Puhpa T. Seido alykheina bie a hlâ pâ hra.

ISSUED BY:

Information & Publicity Department

Mara Autonomous District Council

Siaha.