PRESS RELEASE

NO.47/2023

SIAHA, 1 Pamih, 2023, Pakhynoh - Puhpa T. Seido, EM i/c Sports & Youth Services etc. MADC ta alynabie rei awpa târi 28.2.2023 - 1.3.2023, noh 2 chhôh châta official Tour Programme taopa ta a bia - Laki MDC bia a tly.

Puhpa T. Seido, EM zachhihpa he târi 28.2.2023 liata Ahmypi, Khôpai nata Laki khihzy angiapa ta he zâ liata Laki liata â rie. A tlôna khih maih liata palyupalihna châta dyna gate vaw taopa khai ei ta, khitlâh nôpaw, VCs, NGOs, Achuhaipazy nata khih zawpi ta vaw ydypa ta ano nata a sielâhpa zydua chhao ta pawpiri ama vaw pa-ao khai.

Târi 28.2.2023, a siena lâ liata Ahmypi nata Khopai liata arônah kawpa ta vaw dypa ta welcome reception hnei khai tawhta Public Meeting hneilazaopa châ ta, ano hleikhô ta ano azi tuhpa Elected Office Holders - Puhpa K. Hrahmo, EM i/c Revenue, Puhpa L. Prisila, EM i/c PWD, Puhpa Beirahmô Syhly, EM RD, Puhpa Tiahlei Syuhlo, EM Forest nata Puhpa Beihu Nôhro, Dy. Chief Whip zy ta biereina chyupa nata alykheina biereina daihti ama hmaih laih hra. Ahmypi liata my pati avaw chhuanohpa ei ta, Khopai liata zâpati pahâh kawpa amâ vaw chhuanohpa hra.

Laki liata arônah kawpa ta hawka liata vaw dy ei ta, he su tawhta khichhôh dyna gate taihta Pasaipha pa 2 zy ta vai laihpa ta pickup motor chô liata a lahpinô chhao ta pakiasapa châ ei ta, Dyna gate liata arônah kawpa ta khih zawpi ta ama vaw dy.

He zâ he Laki liata arie ta, târi 1.3.2023, Pakhynoh liata my tawhta zâlâ daihti taihta Laki lia he ta alykheina programme ahmâpa châ ta, zâlâ liata khih zawpi châta Seih tôhpa sâ 1 nata Vao sôcharupa sâ 3 thiepa ta alykheina kyhchhih amâ chhuanohpa ta aly kawpa ta dôhpa a châ. He khô lâ ta EM zachhihpa he Siaha pangaipa kaw siepa ta apalâ kawpa ta Siaha a kaw tlô.

Khito liata a biereina liata Khazohpa reithai ta, atlypatloh tuhpa bia zawpizy hnoh ta alynabie reih ta, châna pha kawpa apie tuhpa Puhpa M. Laikaw, CEM zachhihpa nata a hrialâhpazy hnoh ta alynabie a reih.

Khito liata Dyna gate nata alykheina Programme hleikhô ta alykhei nawpa su châta Laki liata Pandal ama vaw taopazy cha â phuh leizie reih ta, alykheina hmosai piepa nata Ryuchâ a daopa zydua vâta alynabie a reih. 

Department a topa Social Welfare nata Sports & Youth Services zy cha Khazohpa bie nahta â hnia kaw tah ta, râh chakaona raihria liata zawpi hnabeihna hawhta a hria thei nawpa ta thlahchhâ bao awpa ta ahaw ta, Mara thyutlia pari theipa sei châna lia a tâhpazy pachha papua tah, lâpi dopa lia pachhihsa awpazy, nôhmei hârâ rietheipazy deichhy awpazy, achuna - Institutions hmahpasiesa awpazy liata a theina zydua papua lymâ â chhuah tahpa reih ta, he raihriana kyh liata bia zawpi nata NGOs hriaparaohpa ta khitlâh hmahsiena hmia hmô cheingei awpa ta hrialâh awpa ta hruana a tao.

12th Term MADC Puhpa M. Laikaw sawhkhâna liata New Maraland padua achhuah ei ta, khitlâh chhihthana thiehpa, achhuahna thiehpa nata lâpi thiehpa siekhei amâ chhuah tahpa a reih.

Mara thyutliazy, pari theipa ta a parao haipazy cha ama pachâ peimawh hmeiseih tahpa reih ta, pachhana rai hrai awpa apeimawh tah ta, “eima khinatlâh rao pathlah mâ vei, pachha khi a y chy” tahpa a reih.

Sapa ta aduapa a châ vâta ano deichhy awpa ta ahawna tao ta, a eihpachaipa ta nôpawzy ta ano chhorei tah, pasopakâ tyh awpa ta ahawna a tao.

Puhpa T. Seido, EM zachhihpa he a lahpinô Pihnô HC. Nânô ta zi ta, elected office holders tawhta Puhpa K. Hrahmo, EM i/c Revenue, Puhpa L. Prisila, EM i/c PWD, Puhpa Beirahmô Syhly, EM i/c RD, Puhpa Tiahlei Syuhlo, EM i/c Forest nata Puhpa Beihu Nôhro, Dy. Chief Whip zy ta ama zi.

Officials tawhta Puhpa Vabeikhaihmô Solo, SCO, Puhpa TT. Khôlaw, RTO, Puhpa JH. Beihnai, S & YO, Puhpa John Kenneth Syhly, EO, Puhpa Beirôkhu Beitâ, I & PO, Pihnô Patricia Azyu, SWO, Puhpa VT. Martin Vabeiduakhei, ASPO, Puhpa Vabeipathai Hlychho, Surveyor-III, Puhpa A.Thazi, Boxing instructor, Puhpa B.Vabeichakao, Football instructor, Puhpa T. Pabua, Cameraman zy hleikhô ta Sports & Youth Services Department liata staff thokhazy ta ama zi thei hra.

BJP District HQ tawhta Pihnô A. Nelly, Vice President, Puhpa Pawkhu T. Azyu, General Secretary (Org), Pihnô B. Pari- President, Mahila Morcha, Pihnô S. Nathlua, Vice President, Mahila Morcha, Puhpa Vahmo Hlychho, Secretary (Org), Puhpa H. Beitlolai, Secretary (GAD), Puhpa L. Vabeihlathie, Gen. Secretary, BJYM, Puhpa Hmingtinthanga, MDC Candidate(Noaotlâh bia) zy ta zi thei ei ta, Puhpa N. Sachô, V/Pre., Tipa Block, Puhpa J. Zabua, V/Pre, VC Zyhno, Puhpa LC. Valaw, Unit Pre. BJP zy chhao ama zi hra.

Hlasa thaipa tawhta Puhpa John Beizachhi Phuto, Laihsa FC. Nipari, Satlia Esban Mara Duakhei, Laihsa Gospel Byhnadaorili Azyu zy ta ama zi hra. 

He biatlyna pachhaipa ta Laki liata târi 28.2.2023, azo lâ liata Resource person Laihsa Merilyne Beiho, Psychiatric Nurse, District Hospital, Siaha hmâpa ta “Awareness on Mental Health & Harmful effect of Drugs abuse” programme ahmâpa châ ta, zawpi amâ thôhkhei kaw. 

ISSUED BY:

Information & Publicity Department

Mara Autonomous District Council

Siaha.