PRESS RELEASE

NO.115/2024

SIAHA, 20 Phiapi, 2024, Pakhynoh - Atanoh dawh 12:00 PM kha ta Puhpa T. Seido, Hon’ble EM i/c Sports & Youth Services etc. MADC ta târi 22 - 25 October, 2024 chhôh ta, Hnahthial liata ataopasuana hneipa 43rd Mizoram State Boxing Championship liata Siaha District tawhta medal a daopazy cha ano official chamber, MADC Complex liata palyupalihna daihti a hmâh.

Puhpa T. Seido, Hon’ble EM chata alykheina nata palyupalihna ryuchâ a hlâ khai tawhta biereina chyupa daihti hmâh ta, “Chyhsa to he Khazohpa ta talent miah pie chyu ta, eima talent hneina lâpi liata a chhih thai awpa he a peimawh kaw; Bible liata Talent a papôhsa leipa thâtih eima pahnopa hawhta nâmo Boxer nahzy chhao nama talent nama papôhsa vei khiatala talent nama hnei chiehpa chhao lapa a châ tlamaw thei aw. Chavâta nama talent he nama pahro lymâ awpa a châ. Chyhsa hropa rai rai chi leipa ta palôh chhyu kawpa ta nama y lymâ awpa a châ. Riahpha kawpa ta tao hnolo lymâ u la, tiamana liata byhnâ a y tahpa my khah u. Alôh pakhopâna bie Bible liata eima hmôpa hawhta niedo nata hmo pha leipa liata namâ sohsi lei khiatala alôh hawhta nama padâh tita chyhsa ta ama cha mohnao aw.” 

“Atahmâ liata medal nama daopa dei he padaihsa leipa ta tiama papua via lymâpa ta nama leader nata pachutuhpa nahzy reingiah kawpa ta y u la, Christmas nata Kôthiehpazy eima kaw tlô laih awpa liata reipasaona hluhpi a y thei aw, nama châta hmo pha leipazy cha a râsai lymâ teh u” tahpa ta pasyuna bie nata khokheina bie pha kawpa reih ta, SDBA zy duahmo he MADC Sports & Youth Services Department ta, ama theina hawhta deichhypa ta ama mokhei lymâ aw tahpa ta tha patlôna bie chhao a reih hra.

Programme he Puhpa VT. Martin Vabeiduakhei, ASPO ta chhihtha ta, Puhpa Pahmo Hlychho, Vice President, MTP Gen. HQ ta devotion a hmâh. Siaha District Boxing Association (SDBA) tawhta Puhpa K. Lalchhanhima, President ta report pie ta, Puhpa A. Thazi, Instructor, Sports & Youth Services Department, MADC tawhta pasyunabie nahthliepa a châ hra. Daihti chhâna liata Puhpa S. Vabeihasa, S & YO, MADC ta biereina chyupa nata alynabie reina hnei ta, he khai tawhta Zisu thlahchhâ pachupa reiparaohpa ta palyupalihna programme he pachhâsapa a châ.

Siaha District tawhta 43rd Mizoram State Boxing Championship liata Medal a daopazy: -

Sub Junior - Boys : 

1. Steven Thachunguk - Bronze 

2. Vanlalhuma - Bronze

3. Franky Chialo Notlia -Bronze 

4. Silvan Beikhokhei - Silver 

5. MH. Lynabeikhochhi - Silver 

6. MH. Vabeihrobie - Gold 

Junior - Boys : -

1. LV. Robert Lalengliana -Bronze 

2. E. Lalruatdika - Silver 

3. Lalenkawla - Silver

4. Ramnunmawia - Bronze

5. Samuel Roluahkima - Bronze

Senior - Men: -

1. Micky NT. Beipatla - Gold

2. Vanlalhuala - Gold

3. Lalkhawngaiha - Silver

4. Remrema - Silver

5. Lalawmpuia - Bronze

6. L. Joseph Buihringpachha

Senior - Women: -

1. L. Vanlalduatsangi - Silver 

2. Rebecca Lalfakawmi - Bronze

He nahzy hry liata manôh 7-zy he atanoh palyupalihna su liata avy theipa ama châ. 43rd Mizoram State Boxing Championship 2024 liata Mizoram District to tawhta chapaw 186 nata chanô 33 zy a hlao thei ei ta, Siaha District tawhta Chapaw 23 a hlaopa liata manôh 11 ta medal dao ei ta, Chanô 2 a hlao theipa liata medal ama dao raihrie. 

Atanoh palyupalihna liata SDBA, Siaha Office Bearers tawhta Puhpa K. Lalchhanhima, President, Puhpa HC. Lalnghaksanga, Treasurer, Puhpa Malsawmdawngliana, Asst. Secretary, Laihsa Ashley Tlapyu, Finance Secretary zy amâ hlao thei hra.

ISSUED BY:

Information & Publicity Department

Mara Autonomous District Council

Siaha.