PRESS RELEASE

NO 41/2023

SIAHA  23 Hmypi, 2023 - Atanoh dawh 11:30 Am kha ta Puhpa T. Seido, EM i/c Sports etc MADC Siaha chata a Official Chamber liata Siaha District Hockey Association zy hnohta Hockey Stick a hlâ. 

Hockey Stick hlâna programme he Puhpa JH. Beihnai, Sports & Youth Officers, MADC Siaha ta chhitha pa ta thlachhana a hnei. 

Puhpa T. Seido, EM i/c Sports etc zachhipa chata biereihna chyupa daihti hnei ta, 'Hockey he Siaha District liata hmalahna y khao leipa ta, eima palôru liata chhao pachâ hliatha khao hlei leipa pita, anodeikua Hockey he India nata khizaw pôpalô liata Marapa sawzy eima lâ thei nawpa châ ta Sports discipline pha kawpa a châpa vâ ta, a leidia thla awpa he pasai leipa pita, hmala pazi awpata patuapaluana vaw hnei pita, atanoh ta Hockey Stick eima vaw raih theipa he aly kaw nata,  he Hockey Stick eima raipa heta hmahsiena mania a tlôkhei cheingei nata pangiasa nata, hnabeiseina lai kawpa chhao ei hnei. Siaha District Hockey Association nazy chhao thapi phiapa ta Siaha District liata Hockey hma pasiesa awpata nama tao theina zydua hmapata hmala lyma awpa ta eicha haw ei tapata pasyuna bie pha kawpa reih ta, hmiala ama sie lyma nawpa liata khokheina a hlâ ei. 

Pihnô J. Lalzuimawii, President Siaha District Hockey Association nata Puhpa C. Hmunsiama, Fin. Secretary, Siaha District Hockey Association zy chhao ta Siaha District Hockey Association hmalana report tlâpipa ama pie hleikhôta ama peimaw kawpa Hockey Stick hlâ tuhpa EM hnohta alyna bie reihna ama hnei hra.

Atanoh ta EM i/c Sports etc ta Siaha District Hockey Association (SHA) hnohta Hockey Stick a hlâpa he 150 nata Ball a châ. 

He Hockey Stick hlâna programme liana heta MADC Sports Department liata Officers nata Staff nazy ama hlao hra.

ISSUED BY -

Information & Publicity Department, 

Mara Autonomous District Council, Siaha.