PRESS RELEASE

NO.49/2025 

SIAHA, 30 Pachawh, 2025, Pakhynoh – Atanoh dawh 11:30 AM khata Puhpa S. Lalremthanga, Hon'ble Deputy Chief Executive Member i/c Education (P/S), MADC chata khichhai laipa (Chief Guest) châpa ta MYA Multipurpose Hall, New Siaha liata District Level Awareness Campaign on Drugs Abuse / Safe Sex, HIV/AIDS among School Children under Siaha District programme â hmâkhei ei. 

Atanoh he a noh nona (Day 2) amâ hmâna châ ta, Awareness Cum Concert hawhta ahmâhpa a châ.

He programme he School Education Department, Mizoram under the aegis of Mizoram State AIDS Control Society, Aizawl pachhuahpanohpa a châ.

Programme he Puhpa Khusa Khaila nata H. Lalhlunsangi zy ta pahnie kawpa ta ama host. Pihnô NG. Fanchun, DEO, Siaha ta Deputy CEM hnohta bouquet hlâna hnei ta, welcome speech reina a hnei pâ hra.

Puhpa S. Lalremthanga, Dy. CEM, MADC chata, "Atanoh awareness campaign on drugs abuse, etc liata khichhai laipa châ awpa ta raopa ei châpa he programme pachhuahpanohtuhpazy chô liata ei ly hmeiseih," a tah.

"Drugs chi âchhihzie nata pha leizie he a tliata liata school ei tly laihna lia chhaota thata reih na ta, school liata paritheipa (drugs) ataopa ama y pathlei khiah vaw report para aw ei chi ta, student hropa ama paka hlâta papua parapa ama châ aw," tahpa ta khichhai laipa ta a reih.

Dy. CEM chata, "Biesozy 22:6 liata Hawtipa cha a sie n’awpa lâpi pachu la, A pitloh tita chhao siesai aw vei, a tahpa hawhta, nôpawzy nata siku liata pachutuhpazy ta drugs chi â chhihzie he nama reih hluh via lymâ awpa a byuh," a tah.

"Râh paraotuh chaipa châ drugs he châ ta, eimâ dyuh lymâ awpa a châ. Azuahtuhpazy he patu ta hrie lymâ awpa ama byuh. Hawtipazy ta ama hawtitano tawhta paritheipa (drugs) ama tao tlamaw hapa a châ khiahta la, pathleih thei khao veih ei. Eikhata ama tao tlamawpa he a pei chaipa cha a châ," Khichhai laipa ta a tah.

Dr. MC. Lalhmingmawii, CSO, DISHA chata, "Drugs chi â chhihzie reih ta, siku hawtizy hnohta drugs tao tlâ lei awpa ta a chho ei. HIV nata AIDS chhao he hri-iah chichhih kawpa nata a patlâhna thohna y leipa, chanô chapaw sex hmâna tawhta zy, syringe hmâh pahlaopa tawhta zy, etc apakia thei ta, avaih kaw awpa a byuhzie a reih. School to he 'Drug-free school' châ khai thei sala a pha kaw aw," a tah.

Puhpa T. Chatlua, Addl. DPC Samagra chhaota pasyuna bie pha kawpa reina a hnei hra.

Puhpa Lalneikima, PA Samagra ta Bietaina (Pledge taking) zawpi lâta he hawhta a pahneisa:-

Ei pôhpa a pha kawpa nata pathaih kawpa ta ei mohôh aw. Ei hnatlâna ei pachâ peimawh aw. Drugs hmâh pado leipa nata chichhihzie pahnopa ta, ei chhôhkha nata viasazy hnohta ei chho laih lymâ aw. Drugs he eima râh hmiahao lai chaipa a châ, tahpa pahnopa ta, tao tlâ lei awpa nata a pathaih kawpa ta y ei chhuah lymâ aw.

Pihnô Jenny Lalthanpuii, HA, DEO, Siaha ta vote of thanks reina a hnei.

HC. Teresa Ngianô, Mara Idol 2024, Hmingtea, Mizo Idol Top 3, Jessica Ngôdy Hlychho, Mara Idol 2021, Puhpa John Beizachhi Phuto nata Judy Hat Vanlalmalsawmkimi zy ta pahnie kawpa ta hlasapa ta zawpi ama palôhpahawh.

Programme he noh no lâta ahmâhpa châ ta, a noh khana târi 29.04.2025 noh he Sports Festival hawhta ahmâhpa châ ta, he a ry liata palâsapazy he lymâ daopazy ama châ.

Volleyball Girls 

1st Position – Govt. H/S New Siaha

1st Position – Kolodyne High School

2nd Position – ECM H/S

2nd Position – Kolodyne HSS

Volleyball Boys 

1st Position – ECM HSS

1st Position – Kolodyne H/S

2nd Position – Govt. Vaihpi H/S

2nd Position – Govt. H/S New Siaha

Dy. CEM he Official lâ tawhta Puhpa TT. Kholaw, Sr. EO (P/S), Puhpa Pawsa Lava, AITO, MADC nata Puhpa K. Nehemia, Cameraman MADC zy ta ama chakaochahlâh.

ISSUED BY:

Information & Publicity Department

Mara Autonomous District Council

Siaha.