PRESS RELEASE

NO.62/2022

SIAHA, 22 Chhiepa, 2022 – Atanoh dawh 12:00 Noon pa ta Puhpa S. Lalremthanga EM (PWD) Office (Room) thiehpa cha Abeipa lâta pavaosana nata hlâna hneipa a châ. 

Programme he Machâ HC. Vabeiaw, Awnano Hyutuhpa, Bethany ta chhihtha ta, Rev. B. Beilua, New Colony, Biatuhpa ta devotion hnei ta, Bible text Mathai 6:33 A Khinarâh nata a siana tlua tua teh u, chatanachata he zydua he a cha baichha aw ei tahpa bie hmâpa ta pasyuna pha kawpa reih ta, ngâchhihna hneina chôta nata Khazohpa pahnona chôta râh chhihthana raihria awpa ta khokheina a hlâ.

Puhpa S. Lalremthanga EM (PWD) chhaota biereina chyupa hnei ta, ary liata palâsapa he a bierei tlâhpi viapazy a châ:-

“Politics lia heta apie khao leipa ta ei pahâ thlâh haw khiah ma za ta na ta, châhrasala, Khazohpa ta ei pahâ awpa a khoh leipa a châ nahta pangiasa na ta, MNF liata angia na ta, ei bia tawhta Khazohpa ryhraona a châ nahta pangiasa na ta MNF tawhta ticket achhupa vaw y tlâ leipa ei ta, MNF tawhta ticket topa ta avaw duah na ta, Khazohpa ngiachhiena vâta hlaotlohna ei vaw topa a châ.”

“Châ ei chu no tawhta atahmâ taih ei hmotaona maih kaw lia heta khâchâ Khazohpa liata apahniehpa ta ei hro ei za hmâh typa a châ. Khazohpa liata khâchâ apahniehna chôta hmo eima tao khiahta cha achâhta, hlaotlohleina daihtizy y tyh hra sala, a daihti ta liata hlaotlohna miah a pie pylyna tahpa he ei ngiapâna chhao a châ hra.”

“Khâpahmah ei châ taraw leipa ta Khazohpa he ei chô liata a vaw pha dâh la aw tahpa he ei pachâ tyh. Khazohpa zakha liata zakha ngâna chôta eima hro eimâ hmâh lymâ awpa he a peimawh ngaita kaw. Khazohpa châta khâpahmah tao theipa hnei leipa na ta, ei chô lia a pha dâh la i tahpazy he ei za pachâ tyh.”

“Ano châ nata a chhôhkhazy châta thlahchhâ ahaw ta zawpi thlahchhâna hneipazipa châ ta, zawpi thlahchhâna hnei khai tawhta Bei Zisu thlahchhâna reipa ta daihti pachhâsapa a châ. Daihti pachhâsa khai tawhta Refreshment pahâh kawpa niepa a châ.”

Puhpa Lalremthanga chata atanoh liata a hruana pachâ peimawhpa ta a vaw hlao theipa Puhpa H. Malvina, CEM, MADC, Puhpa HC. Lalmalsawma Zasai, Dy. CEM, MADC nata a chakaochahlâ theipa Puhpa K. Chhihrau, Executive Secretary, MADC, MADC tawhta Puhpa P. Tluasa, SE  nata Officers, PWD Department, Information & Publicity Department vyuhpa ta I T Wing liata hriapa Officer nata staff nata Bethany Awnanopa Siaha liata a chakaolâhpa avaw hlao theipazy hnohta alynabie a hlâ ei.

ISSUED BY:

Information & Publicity Department

Mara Autonomous District Council

Siaha.