PRESS RELEASE

NO.38/2025

SIAHA, 8 Pachawh, 2025, Hriaheinoh - Atamy dawh 7:00 AM khata Education Complex, New Siaha liata Samagra Shiksha, Siaha District pachhuahpanohpa Distribution of free textbooks 2025 flag off programme ahmâhpa châ ta, free textbooks he Mararâh (Siaha District) liata Class 1 tawhta Class VIII taih ama raih aw. Puhpa S. Lalremthanga, Hon'ble Deputy Chief Executive Member i/c Education (P/S), MADC chata flag off tuhpa châpa ta programme â hmâkhei ei.

Programme he Pihnô NG. Fanchun, DPC & DEO, Siaha ta chhihtha ta, Puhpa T. Vabeichhuakhu, APO, Samagra ta report piena a hnei.

Puhpa S. Lalremthanga, Dy.CEM chata, achuna he peimawh kaw ta, chi nah pho nata râh a pahniehna châ ta, India sawhkhâ ta achunazy pachâ peimawhpa ta Samagra zy thata a tha kaw patlô via laih ta, Mawrâh state khiah, MADC ry liata school  khiah India sawhkhâ ta Samagra tawhta achuna pachâ peimawhpa ta School O zy a byuhna dâh hawhta sa ta, taopathi lymâ ta, aly’pa a châ hmeiseih, a tah.

"Achuhaipazy nama vâhnei hmeiseih. Keimo châ eimâ chu nota la, free textbook chhao y leipa ta, textbook chhao hmahta hnei pha leipa ta châ eimâ chu. Tahmâ ta siku hawtizy nama vâ hnei hmeiseih, chalei byuh leipa ta sawhkhâ ta asaipa ta a cha pachâpa khai ha ei. He hawhpa he pasô thai ta, a sôhnazie pahno ta tiama kawpa ta châ namâ chu lymâ awpa a byuh," Dy. CEM ta a tah.

Dy. CEM chata, NEP 2020 eima kaw hmâh awpa châ ta, achuna he cha, state mohôhpa ma châ ma, Samagra mohôhpa ma a châ ma, Council mohôhpa ma a châ ma, hriaparaohna phapa eima hnei awpa he a peimawh ngâsâ. Hriaparaohna phapa eima hnei vei khiahta la siku hawti hmah pasiesa thai ma pi. Pihnô NG. Fanchun, DPC & DEO, Siaha chhihthana ry liata keimo Council zy chhaota, eima hriaparaohna pha kaw ta, aly’pa a châ hmeiseih," a tah.

"He hawhta hmialâ daihti lia chhaota, rairunazy a chho rairie ta, kheihta ma hmah eima la aw, tahpa ta hriaparaohna phapa hnei lymâpa he hmahsiena chhao châ ta, he hawhta future lia chhao hriaparaoh lymâ awpa he hmopha chaipa a châ," Dy. CEM ta a tah.

Dy.CEM chata, Hindi subject he Class III tawhta achu pathaopa châ thei sala, tahpa ta pahruanazy tao pi ta, a hlaotloh thei khiahta la aly’pa a châ kaw aw, a tah.

"Distribution of free textbooks flag off awpa ta raopa ei châpa he ei ly hmeiseih," Dy. CEM ta a tah.

MSO Headquarters, Siaha chhihthatuhpazy chhao he flag off programme amâ vaw hlao hra.

Puhpa S. Lalremthanga, Dy. CEM, MADC he Official lâ tawhta Puhpa Pawsa Lava, AITO, MADC nata Puhpa K. Nehemia, Cameraman zy ta ama chakaochahlâh.

ISSUED BY:-

Information & Publicity Department

Mara Autonomous District Council

Siaha.