PRESS RELEASE

NO.44/2023

SIAHA 24 Hmypi, 2023 Chutyhnoh - Atanoh dawh 1:00 Pm khata Public Works Department ryh liata a hriapa Officers & Staff nazy ta Puhpa P. Tluasa, Superintending Engineer (S.E) dt. 28.2.2023 nohta superannuation pension ta apua awpa pathliena programme âhmâ ei ta, programme he PWD Staff Common Room liata âhmâpa châ ta, Puhpa Prisila, EM i/c PWD etc nata alapinô ta âmâ hmâ khei. 

Programme he Puhpa K. Hlôsa, EE ta chhitha ta, Puhpa K. Vahrua, AE ta thlachhâna ta Abeipa lâta pavaosana daihti hnei ta, he programme liata ahlaopa zy ta Abeipa reithaina hla ama sa khai tawhta Puhpa L. Prisila, EM i/c PWD etc ta bietana reihna a hnei.

Puhpa L. Prisila, EM chata, 'Atanoh Officer hry liata a raih liata tiama papua ta, thapi phia ta raih a hria tyhpa, khitlâh nata Awnanopa liata chhao hmâtlâh a châ pa nata chysa siapa pathliena daihti eima vaw hmâpa he vaw pasai lei kaw nata, châsala sawkha ta dâh nata phô eima hneipa hawhta pasai leina chôta pathlie vaw byuh ha ta, a raih hriapa zydua kha a rôna ta nata, myh bei khao aw mapi, tapata bietana reihta, a sie lyma nawpa liata khokheina sâh chaipa a hlâ. 

PWD Officers & Staff tawhta hmosai piena daihti hmâ ei ta, chakhai tawhta Puhpa P. Tluasa, SE ta biereihna hnei ta, 'Abeipa ta ei phu leipa byhna hlupi na pie ta, eima hawti nohzy ei za pachâ nata cha atahmâ duasu ei kaw tlô theipa he arôna tah nata, keima tao theina châ  leipa ta, atoh tao thei tuhpa Khazohpa vâ deih a châ tapa ei pahnopasia ngâ sa. 

District Council liana heta kô 1982 pata S.A ta âvaw ngia nata, hyutuhpazy khokheina dao pata promotion vaw hmô lai lyma pata ei phu leipa nata ei hnabeisei leipa S.E taihta promotion vaw hmô nata, pension taihta eivaw hria theihpa he eily ngaita kaw. 

District Council liata ei hria chhô heta hyuhtuhpazy khokheina thâ ta vaw to nata, ei peimawpa ei tlôkheipa maih napa châpa tyh ei ta, ei ly hmeihseih. 

Ei service chhôhta E.L (Earn Leave) la ngaileipa nata, CL deikua eikha eino la ei la hra. He zydua he Abeipa vâ deihta ta châ ta, Abeipa tawhta byhna eima hmôpa zydua vâta Abeipa lâ ta alynabie reih nata, PWD liata ei hrialahpa Officers nahta Staff nah zydua chôla liata âlynabie ei châ hla ei, tahta bietahna reihta, ahy rai S.E vaw châ ei sala, vaw deichhy lyma awpata â hawna a tao hleikhô ta, kyh apachâ raihrie ta tiama kawpata ama raih chyu hria awpata khokheina a hlâ ei. 

PWD Staff tawhta Puhpa A. Viahra, EE;  Puhpa K. Vahrua, AE; Puhpa C. Beichhua, AE; Puhpa C. Rahre, AE; Puhpa K. Beichhua, JE; nata Puhpa FC. Biaka, JE zy tawhta Puhpa P. Tluasa ama pasai leina bie nata pathliena bie nathliepa châ ta, Ls. Dinai C. Lalruatdiki nata Pihnô Eunice zyhta angia kawpata reithaina hla ta zawpi palôpahaw ei ta, programme pachhâ tawhta programme liata âhlaopa zydua châ ta PWD Officers & Staff  nazyta Puhpa P. Tluasa pathliena zâpati ama pachhuahpanohpa châ âly kawpa nata thapha kawpa ta ama dô. 

ISSUED BY -

Information & Publicity Department, 

Mara Autonomous District Council, 

Siaha.