PRESS RELEASE No.82/2020

Puhpa N.Zakhai, CEM ta vâchhiepa Beizachhi taokheina hnei

SIAHA, 19 Chhiepa, 2020 - Atanoh dawh 1:30 Pm liata Puhpa N. Zakhai, CEM, MADC ta atliata liata râhri vaina tawhta pasana alapa ta miah apahâsai hapa St. Nelson K. Beizachhi taokheina, Puhpa K. Thlachho, Beizachhi Paw O, Khopai liata a hnei.

He taokheina he Programme chyupa taopa châ ta, Puhpa Pasa T. Azyu, MDC ta a chhihtha.

Puhpa N. Zakhai, CEM zachhihpa ta taokheina bie nata thlalôhna bietapa reina hnei ta, MADC Executive Committee ta vâchhiepa Beizachhi miah  â pahâsaipa he pei a tah kawpa vâta Meeting awpa châ ta, taokheina hnei awpa ta vaw pathlu ta, CEM’s Relief Fund tawhta deichhyna nata taokheina châta Rs.1,00,000/- (Rupees one lakh) only pie awpa ta vaw pathlu ta, Siaha liata a thi zâ liata rairuna hropa vâta a ri a pathlie thei lei vâta Khopai liata Taokheina he cha a no pôhpa tlai ta alâ awpa a khoh vâta atanoh Taokheina Programme â vaw hlao tahpa reih ta, Programme hlao patloh theipa a châpa he Khazohpa ngiachhiena a châ zie a reih hra.

Puhpa N. Zakhai he ta Mararâh zawpi nata MADC vyuhpa ta CEM’s Relief Fund sôh tawhta Puhpa K. Thlachho hnoh ta Rs.1,00,000/- hlâ ta, taokheina ryuchâ (citation) chhao hlâna a hnei pâ hra.

Puhpa N. Zakhai chata Nelson K. Beizachhi he râh châta pasaipha a châ tah ta, ano nata a hrialâhpazy ta Nelson K. Beizachhi chhôhkhazy ama taokhei hmeiseih tahpa reih ta, eima Mararâh râh chyhsazy ta COVID-19 tawhta eimâ vaw boh thei nawpa ta â piena zydua he arônah tah pi ta, palôh hmeiseihpa ta zana eima hlâ tahpa ta a reih.

He taokheina liata MADC nôpawpa Puhpa F. Lawmkima, EM i/c Forest etc., Puhpa K. Siakhai, Adviser to CEM, Puhpa T. Seido, MDC nata Puhpa Pasa T. Azyu, MDC zy ta CEM he zipa ta ahlao ei ta, thlalôhna bietapa reina ama hnei chyu hra.

CEM zachhihpa Puhpa N. Zakhai ta a chapiana khih Zyhno Beivaih liata târi 17-6-2020 zâ liata Puhpa Alabasta O, chamo/chano ta a cho thlupa deichhyna châta Rs.5,000/- baona a pie pâ hra.

Issued by:-

Information & Public Relations Department

Mara Autonomous District Council

Siaha.