PRESS RELEASE

NO.148/2022

SIAHA, 11 Phiata, 2022 - Atanoh dawh 1:00 Pm pata MADC Forest Hall, Siaha liata Siaha District chhôh Government Office pathaihna liata 1st prize lymâ latuhpa GAD, Department, MADC alyna programme cha MADC CEM i/c maophaohna a chaba haipa Puhpa Nahlô Solo, EM i/c Revenue, MADC  ta a hmâkhei ei.

Programme he Puhpa Derick Salai Solo, under secretary, DP&AR, MADC ta chhihtha ta, Puhpa BM. Khaimeichhô, Deputy Secretary, DP&AR, MADC ta devotion daihti â hmâh.

Puhpa John Beizachhi Phuto nata C. Beihrohnei zy ta  pahnie kawpa ta hlasapa ta zawpi ama palôhpahawh.

Pihnô P. Chaki, convener, cleanliness board nata Puhpa K. Beingiachhie, Sr. LAO, MADC zy ta pasyunabie pha kawpa reina ama hnei hra.

Pathaihna lymâ lana certificate of appreciation liata he hawhta ama roh:-

SWACHH BHARAT MISSION (URBAN)

General Administration Department, MADC, Siaha is awarded First Position in 'Top 3 (Three) Cleanest Gov't Office' within Siaha Town selected in connection with observance of Cleanliness Week 2022.

Puhpa Nahlô Solo, EM i/c Revenue, MADC ta pasyunabie a reipa tlâhpi viapazy:

Ahmiatua chaita nama chôla liata alynabie ei reih. Atakô ta sawhkhâna a tao nawh pi he miah moh u la chyhsa rônahpa y tlâ leipa pi ta, ochaki chabâ saw nawh atyhpakhypa sawhkhâna taopa tlâ eima châ.

Chyhsa rônah viapazy cha Abeipa ta ama daihti pachhâsa ta, chyhsa a nawhpa nah kha Khazohpa ta miah paduapa hawhta pachâ na ta, nâmo nama department nama raihriana liata tiama nama papua awpa he a hmiatua chai ta ei cha hrua khoh ei. 

Atanoh District Council sawhkhâna eima tao tawhta thla pangawh châ chy ta, tao awpa hluhpi y ta, hmialâ eima kaw sie lymâ nawpa liata nama thlahchhâna liata miah namâ thei via lymâ awpa ta ei châ haw ei.

Eima râh hmahsie nawpa nata nama raihriana liata tiama papua ta, nama thaina zy, nama sona zy, nama pahnona zy, nama ryhraothainazy nama hmâh chyu awpa he a za peimawh ngaitapa a châ.

Keimo he nâmo deichhyna vâta keih a kaw châka lymâ awpa eima châ tahpa ei za reih khoh kawpa a vaw châ. Kô 50 District Council eima chhihtha tawhta kô 50 a vaw y heih awpa cha â nanopa ta na a sie e tahpa he eima vision a châ. Râh thiehpa châ ngiakhei achhuah pi ta cha liata a peimawh chaipa cha nama zydua ta nohchareih nama thlahchhâna liata miah namâ thei awpa ta ei châ haw ei.

Ei châ ly kaw ei.

Puhpa K. Chhihrau, Executive Secretary, MADC chhaota pasyunabie pha kawpa reina hnei ta, pathaihna peimawzie nata pathaihna hmah pasiesa via lymâ awpa ta cha apôhkhana peimawhzie a reih. Opa lyuhrizy nata adyryh kawpa nata apôhkha kawpa ta khih eima sa khiahta cha, pathaihna raihriana kyh liata chhaota hlaotlohna a y chengei aw. Eima Beipa Zisu Krista chhaota apôhkha kawpa ta y awpa ta bie miah a tapa a châ tahpa ta a reih. 

Cleanliness board liata Judge-zy Pihnô Suipari, President, Lai Women Association (LWA), General Headquarters nata Puhpa R. Lalnghakliana, Asst. Legal Metrology chhao amâ vaw hlao hra.

Puhpa N. Zatlua, head assistant, GAD, MADC ta vote of thanks reina a hnei khai tawhta Bei Zisu thlahchhâna miah pachupa reihparaohpa ta daihti pachhâsapa a châ.

ISSUED BY:

Information & Publicity Department

Mara Autonomous District Council

Siaha.