Mara Autonomous District Council (MADC), Siaha, Government of Mizoram, India

PRESS RELEASE

NO 06/2022

Dated Siaha, the 21st NAWH, 2022 (Chutyhnoh) – Atanoh zala dawh 2:30 Pm khata Puhpa N. Zakhai, Chief Executive Member, MADC Siaha ta a Official Chamber liata Siaha District tawhta Mizoram Youth Commission (MYC) pachhuahpanohpa, IAS Scholarship Exam liata hlaotlohna a tohpazy a lykheina Thopi doh pahmaohna a hnei khei ei.

Puhpa N. Zakhai, CEM chata pasyuhna bie reih ta, hlaotlohna a topazy ei palôhru hmeihseihta châ lykhei ei nata, namoh liata hnabeiseihna laipi ei hnei. Atahma châ khizaw thaihna nata sohnazy vaw sah via lyma ta, chysa quality kawpazy vawpua lyma ei ta, cha hawpa chysa châ mara rahta angiapa a châ. Namoh sahlaozy he Mara rahta châ mohkha thla haw pita, Mara rah hmahsienaw'pa châta nama thaina nata sohnazy nama hmah awpa a châ.

Mara râh ti nata râh thapasana hneina chôta, Coaching nama kia ti chhaota tiama papua lyma ula, Mara râh zawpizy chhaota hlaotlohna nama hnei thei nawpata thlachhâna ta eima cha vaw bao lyma aw. Nama nô nata paw zyta riethei kawpata Siku chapakiasa ei ta, chavata paritheipa, sahma nata drugs tawhta zy, chanô chapaw châna (Sex) tawhta zy, viasa phaleipa tawhtazy a sosie nachôta, hlaohtlohna toh cheingei awpata tiama nama pakua awpa a peimaw ngaita kaw.

Politics ngala he râh taopathina chaleipa ta, sawkha raih chhao he râh taopathina pha kawpa a châ tahpa pahnoh nachôta, MYC tawhta Scholarship nama hmôhpa he phahnai kawpata hmâh awpa nata hlaotlohna toh cheingei awpata khokheina eichâ hla ei tapata pasyuhna bie a reih.

Atanohta a lykheina hneipa zy châ henazy he ama châ.

(1) S. Rualkhuma, S/o S.VL. Peka, College vaih-I

(2) B. Vallency, D/o B. Sawma, N. Colony-II

(3) Sharon K. Vahneiki, D/o K. Mara, Siaha Vaihpi-II

(4) Amanda AV. Hlychho, D/o Allen Hlychho, N. Colony-IV

(5) Beisalai Hlychho, S/o K.H Hachhua, Siaha Vaihpi-I

(6) A. Marapaw, D/o A. Vishra, Siaha Vaihpi-II

(7) Vanlalhmuthangi

(8) K. Esmond Vabeirona, S/o KL. Chhinga, Tipa ‘D’ –II

(9) Joseph Beichakao

(10) B. Beipirona, S/o B. Zachhô, ECM Vaih

ISSUED BY