PRESS RELEASE
NO.47/2021
Teachers’ Day 2021 liata Puhpa N. Zakhai, Hon’ble CEM, MADC bietapa
SIAHA, 5 Thlarâh, 2021 - Ahmiatuata eima râh maniah pakhaihsatuhpa eima Khazohpa moh ta Mararâh liata Pachutuhpa zydua Teachers’ Day 2021 anaohna ei cha hlâ ei.
India President pano (2)-na Dr. Sarvepalli Radha Krishnan athei thlâh nawpa ta kô to ta Thlarâh Noh 5 pa he India râh liata Teachers’ Day ta hmâh tyhpa châ ta, Mararâh lia chhaota Pachutuhpazy palyupalihna daihti hmâ tyhpa a châ hra.
Vâdua chhih kawpa ta atakô he Covid-19 Hriiah vâta aphapa ta ahmâ theileipa châ ta, palôhiah â chhih ngaita.
Mararâh liata Pachutuhpazy tiamana nata hriapasanazy Abeipa ta byhnâ pie ta, eima râh chhao he hmahsie lymâpa a châ.
Khitlâh nata Awnanopa chakaona kyh liazy chhao ta eima râh liata Pachutuhpazy he reithai tlâh ama châ ngaita. Maniah apahâsai hapa hluhpi y hra ei sala, atahmâ tah Pachuna rai ahria haipazy heta Mararâh châta thapi phiapa ta nama tiama via lymâ awpa ta ei cha pasyu ei.
Abeipa ta Pachutuhpazy byhnâ vao lymâ mawh sy.
ISSUED BY:
Information & Publicity Department
Mara Autonomous District Council
Siaha
