PRESS RELEASE

NO.19/2025

SIAHA, 13 Hmypi, 2025, Pobienoh - Revd. N.C. Vabeilua châbu ropa, ‘KRIZYHPA HMIATUAPAZY TAOLATAONA’ tahpa cha atanoh dawh 12 : 00 Noon pa ta Forest hall liata Puhpa N. Viakhu, Hon’ble Chairman, MADC ta zawpi rei thei awpa ta a palâhâh.

He palâhâhna daihti he Puhpa Laicho Nôtlia, Vice Chairman, BML ta pahnie kawpa ta chhihtha ta, Rev. Z. Hrohmô, Assembly Secretary (Jr), ECM Assembly ta daihti pavaosana thlahchhâna a hnei.

Rev. Thylua Hlychho ta pahnie kawpa ta châbu saichhieliena daihti ahmâh ta, Laihsa Dinai C. Lalruatdiki ta zawpi pôhpakhypazy cha hlasapa ta a palôhpahawh ei.

He châbu palâhâhna liata Khichhai Laipa, Puhpa N. Viakhu, Hon’ble Chairman, MADC, Siaha chata biereihpa ta, “Atanoh liata Revd. N.C. Vabeilua ta châbu pha ngaitapa vaw roh ta, palâhâhtuh awpa ta eina vaw khokheipa he ei ly ngaita. Atanoh he châbu he thata vaw pachâ na ta, a chôkyh ei za mopa heta ei tha eina pathyu ngaita.”

“Râhzohpa liata a hria haipazy chhao tha a pathyu kaw nahta ei pangiasa. He châbu he, eima chheipâh liata paritheipa a tao haipazy he chalei chakie chyu thei sih la, pie thei chyu ei sih la, âmo liata chhao thata bie a reih nahta ei pangiasa. He liata a vaw hlao leipazy chhaota chalei achhuah chyu sih la, reihpapua khai sih la, mo hropazy chhao saihei chyu sih la tahpa eimâ khokhei.” tahpa a reih.

Revd. N.C. Vabeilua, Author ta alynabie reih ta, cha khai tawhta zawpi ta Abeipa thlahchhâna reihpa ta daihti pachhâsapa a châ.

ISSUED BY:-

Information & Publicity Department

Mara Autonomous District Council

Siaha.