PRESS RELEASE

NO.89/2023

SIAHA, 10 Khihpa, 2023, Hriatuanoh – Atanoh dawh 1:00 PM khata Puhpa T. Seido, EM i/c Social Welfare, MADC hmahlana nata Social Welfare Department, MADC pachhuahpanohpa free distribution of Tea Urn programme cha Environment, Forests & Climate Change Hall, MADC, Siaha liata Puhpa N. Viakhu, Chairman, MADC cha khichhai laipa (chief guest) châpa ta â hmâkhei ei.

Puhpa T. Seido, EM chata, "Eima District Council he Khazohpa ta miah a piepa châ ta, eima pasô thai kaw awpa a byuh," tahpa ta a reih.

"Pathluana hnei leipa ta atanoh Tea urn 25 rai papuapa châ ta, MADC chhôh liata MDC Constituency tota Tea Urn sâkha sai raipa a châzie," Puhpa T. Seido, EM ta a reih.

Puhpa N. Viakhu, Chairman, MADC chata, "Puhpa T. Seido, EM i/c Social Welfare, MADC hmahlana nata chhihthana ry liata sôh nah thih rairuna hry ta bia tota pathluana y leipa ta a saipa ta Tea Urn sâkha sai a raih thei thlâh hapa he aly â chhih hmeiseih," tahpa ta a reih.

"Uniform Civil Code (UCC) he Northeast, Tribals zy ta eima hmâh lei awpa ta hmahlana a ypa aly â chhihzie reih ta. Schedule 6 of the Constitution liata palâsapa hawhta tribal areas Assam, Meghalaya, Tripura nata Mizoram zy special provision grant pa eima châna hawhta Uniform Civil Code (UCC) eima hmâh lei awpa ta hmahlana a ypa aly â chhihzie," Chairman ta a reih.

"Social Welfare Department, MADC ta machâ hlao ama raih hleikhô ta, Tea Urn zy bia tota ama raih theipa he aly â chhih hmeiseih. Hmahsienazy pachâ peimawh ta hmialâ tôh lymâ awpa ta khokheina ei cha hlâ ei," tahpa ta Chairman ta a reih.

Puhpa HC. Biakcheuva, MDC chata, biereina hnei hra ta, pathlua paeihna hnei leipa ta atanoh Puhpa T. Seido, EM i/c Social Welfare, MADC ta Tea Urn bia tota sâkha sai a saipa ta a raipa he aly â chhih hmeiseih, tahpa ta a reih.

Programme he Pihnô Patricia T. Azyu, Social Welfare Officer, MADC ta chhihtha ta, Puhpa JH. Beihnai, S&YO, MADC ta devotion â hmâh.

Puhpa A. Chhualai nata Jennifer zy ta pahnie kawpa ta hlasapa ta zawpi ama palôhpahawh.

Abeipa thlahchhâna reihparaohpa ta daihti pachhâsapa a châ.

ISSUED BY:

Information & Publicity Department

Mara Autonomous District Council

Siaha.