PRESS RELEASE

NO.90/2022

SIAHA, 29 Khihpa, 2022, Chutynoh – Atamy dawh 1:00 PM pa ta E & F Conference Hall, MADC Complex liata Celebration of Ujjwal Bharat, Ujjwal Bhavishya Power @ 2047 programme ahmâpa châta, he liata Puhpa N. Viakhu, Chairman, MADC cha Chief Guest châpa ta programme a hmâkhei ei.

Puhpa Donny Lalruatsanga, Addl. DC, Siaha ta chhihtha ta, Puhpa Lalmalsawma Zote, State Nodal Officer ta biereina chyupa hnei ta, Puhpa Lalhmingliana, EE, P&E, Siaha ta biereina nata Technical report a pie. Ujjwal Bharat, Ujjwal Bhavishya Power @ 2047 programme ry liata beneficiaries pa 2 zy tawhta biereina chyupa hnei ei ta, Gov’t Siaha College student zy ta “Consumers’ rights & duties” topic hmâpa ta Skit show pamosana ama hnei. Puhpa John Beizachhi Phuto nata Laihsa Vanlaltluangi, Siaha Siaha zy ta hlasapa ta zawpi palôpahawh ei ta, MYA Cultural Troupe zy ta hlapy ta hla ama sa hra.

Chief Guest Puhpa N. Viakhu, Chairman zachhihpa biereina hnei awpa ta hruapa châ ta, atanoh liata Chief Guest châ awpa ta a hruatuhpa Puhpa Lalsangliana, DC Siaha nata a hrialâhpazy hnoh ta alynabie reih ta, atanoh liata programme a vaw hlao theipa zydua hnoh ta anaohna nata alynabie reih ta, ary liata palâsapazy he a bierei tlâhpi viapazy a cha:-

1. India ta Independent a hmô tawhta kô 100 a tloh nawpa kô 2047 liata khaihna (electricity) liata vision hnei ta, atakô kô 75 a tlohna daihti liata hmahlana a vaw pathao. Chyhsapa he khaihna ahlao leipata hroh thei ma pi; eima Khazohpa chhao ta khaihna a taopa cha pha tah ta, â ly kaw tahpa Bible liata hmô pi ta, Isaih liata ti tawhta khaihna taopa a châ awpa chhao eima vaw hmô.

2. Râh hmahsie awpa ta cha electric a byuh; Mizoram he khaihna liata ativy leipa eima châ vâta he vision he apha thei thaina hawhta hmâ eimâ chhuah awpa châ ta, renewable resources zy he hrona châta chi achhih leipa ta, eima peimawh kawpa a châ.

3. Electric Department staff zy he ama riethei kaw ta, ama hriapasa ngaita kaw no ta reithai ahlao beih leipa ama châ; âmo zawhzi ta thotlâh khih chaki kawpa taihta khaihna eima hmôpa a châ tahpa my leipa ta reithai tlâh ama châ tahpa zawpi ta pahn ei suh u.

4. Zawpi ta eima electric zy he pakhaih chakhyh thlâh leipa ta, ahmâna dopa liata hmâ ei si la, wiring tao dâh ado leipa ta O eima pakâ thei tahpa pahno si la, asohsi chyu ei suh u.

5. Sawhkhâ biepiepazy eima zyh awpa châ ta, electric department staff zy bie eima zyh awpa a châ. Sawhkhâ khozie hawhta y khai ei si la, ti nata râh phapa hnei awpa ta sawhkhâ nata zawpi apha kawpa ta eima hrialâh awpa apeimawhpa a châ.

6. “India khaihna, hmialâ daihti khaihna” (Ujjwal Bharat, Ujjwal Bhavishya)  tahpa hmâpa ta sawhkhâ ta programme peimawh kawpa a pachhuahpanohpa he power lâ hmahsie nawpa châ ta, chavâta apha kawpa ta sawhkhâ hrialâh ta sawhkhâ biepiepazy zyh chyu awpa ta eimâ pasyu hmeiseih.

Daihti chhâna lâ liata Electricity liata India sawhkhâ hmahlanazy nata achievement zy big screen liata film pachhohpa thokha palâsapa ta atanoh liata hrua-eihpa avypa zydua zydua ta mopa a châ.

Ujjwal Bharat, Ujjwal Bhavishya Power @ 2047 he Ministry of Power and Ministry of New and Renewable Energy and all Power CPSEs hmahlana ry liatahpa châ ta, kô 2047 liata India râh pôpalôhpa ta Electricity liata achievement pha kawpa hnei thei awpa ta hmahlana programme châ ta, mylâ târi 30.7.2022 he ta India râh liata electric chado kawpa ta ahmâh thai chaipa Andra Pradesh state liata alyna sôhpipa programme tao achhuahpa a châ.

Atanoh programme liata MADC nôpawpa tawhta Puhpa Beihruakhai, EM i/c Agri. nata Puhpa J. Vabeikiasa, EM i/c SW zy ahlao ei ta, MADC Official lâ tawhta Puhpa Beirokhu Beita, I&PO nata Puhpa T. Beihronga, ASCO zy ahmâ hlao.

ISSUED BY:

Information & Publicity Department

Mara Autonomous District Council

Siaha.