PRESS RELEASE 

NO.143/2025

Siaha, târi 6 Di, 2025(Pachynoh); Atanoh dawh 10:45AM khata Puhpa M.Laikaw, Hon'ble CEM, MADC ta Mawhrei(3Km) tawhta Chapi Lâpi(Zyhno-Mawhrei-Chapi Road ), 24 Border Road Task Force nahzy ta Minsitry of Defence ry liata ama hriapa cha a pahy.

Lâpi pahyna daihti liata biereina hneipa ta, Puhpa M. Laikaw, CEM chata, "Atanoh he Mara râh châta cha noh ngiatlâ ngaitapa a châ, cha dei châleipa ta India râh châ chhaota noh ngiatlâ kawpa a châ hra. India border liata a ypa khihzy cha Lâpi(Road) pha ngaita kawpa ta a vaw tlô haw. BRO liata ahriapazy chô liata ei ly hmeseih. Prime Minister Narendra Modi chhihthana ry liata India Râh hmahsiena awpa ta kao nanonanopa liata hmahlana hluhpi y ta, tahmâ tahpa chhao he cha hry liata miakha a châ hra. Tahmâ tah Lâpi eima pahypa heta eima râh liata hmahsiena hluhpi vaw tlôkhei aw ta, cha hleikhota, India râh chhaota border security liata a hmâh phahnai kaw aw."

"BRO lâta ei haw khohpa cha; Lâpi achyuta nama patlô mah leipa he vaw patlo parah u la, kei chhaota rairuna namâ tyh khiah chabaokhâ ta, hmah chalakhei lymâ awpa ta eimâ thlâh haw. Mawhrei nata Chapi khih sawzy hnohta ei châhaw khohpa ei cha BRO nah ta Lâpi ama taona kyh liata hriaparaohna phapa vaw hneipazao lymâ awpa he a châ."

"Atanoh he su liata BRO liata ahriapazy nahta daihti pha kawpa eima hma khoh theipa he ei ly hmeiseih. Atanoh he Siaha District liata a ypazy châta cha noh rônah ngaitapa a châ. Abeipa ta Mara Râh, BRO nata India Râh he byhna pie via lymâ mawh sy," tahpa ta Puhpa M.Laikaw, CEM ta abiereipa a pachhâsa.

Amit Yadav, Excutive Engineer & Officer Commanding, 71 RCC/24BRTF Border Road Organisation (BRO) nata ahrialapazy hleikho ta Mawhrei khihsawzy ta a su liata CEM nata CEM azituhpazy he vaw ydy ei ta, BRO liata ahriapazy nahta apakyhna chhao ama hnei hra.

CEM he ahrialâhpazy; Puhpa L Prisila, EM i/c PWD nata Puhpa M. Chiadung, EM i/c Soil zy ta ama zi. Official tawhta Puhpa LM.Beingalai, I&PO, Puhpa T.Pabua, Cameraman, Puhpa, Martin L Hlychho, Cameraman, I&P Deptt.,MADC nata Puhpa, Ngoko Chozah, DDK Stinger zyta zi ei ta, BJP Party tawhta Puhpa Thychha Chozah, Secretary, BJP Siaha District, Puhpa K.Rosiama, Vice President, BJP Kisan Morcha nata Puhpa Manesia, VCP Iana - II zy ta ama zi hra.

My thopi Puhpa L. Prisila, Zyhno Biatuhpa nah O liata dopa châta, my patih he Puhpa M. Teihmo, Vice President, ,Mawhrei VC nah O liata dôhpa a châ.

Aliena lâ liata CEM Puhpa M. Laikaw nata azituhpazy ta Zyhno Khih liata KNP Pakhypi  châ awpa ta Byureih sa haipa cha ama tly pâ.

ISSUED BY:

Information & Publicity Department,

Mara Autonomous District Council,

Siaha.