PRESS RELEASE 

NO.93/2025

Siaha, târi 5 Thlazoh, 2025,Hriaheinoh - Atanoh dawh 12:00 noon khata Puhpa M.Laikaw, Hon'ble Chief Executive Member, MADC ta Social Welfare Department, MADC ta programme a pachhuahpanohpa, "Free Distribution of Nutrition For Senior Citizens" cha Forest Hall, MADC complex, Siaha liata Chief Guest châpa ta a hmâkhei.

He programme he Puhpa N. Abela ,Social Welfare Officer, MADC ta chhihtha ta, Rev. Az. Beirakaw, ES i/c.,Social Mission ta Biehrai su no; Theithaina 19:20 nata Biesozy 23:22&25 reina hnei ta, Khazohpa hnohta daihti pavaosanaThlah a chhâ.

Chief Guest Puhpa M.Laikaw, CEM chata, "Chairman, Rev.Az.Beirakaw, ES i/c.,Social Mission, Elected Office Holders nata MDCs, Officials, Editor Moonlight nata Programme âvawhlaopazy MADC moh ta Samaw ei cha hlâ ei. Social Welfare Department ta he hawhpa programme a vaw pachhuahpanohpa he a lypa châ hmeiseih ta, EM i/c., Social Welfare, Department HOD nata Staffs zy hnoh chhaota alynabie ei reih hra," a tah.

"Social Welfare Department heta 'Machâ; Nôpi Pawpi zy hnohta tlôphapa byhnâ he eima hnei awpa na a châ', tahpa he ama pachâna liata khâ hnei ei ta. He department he department hro hawhta châ leipa ta, Machâ; Nopi Pawpi, Theina eihrâh hneipa(Differently abled), achhaichhâhna phapa ahneileipa Machâzy n Hâra deichhyna O nata District Jail liata zy baona pietyh ta, ama châ ta byhnâ khâ ama châ lymâ", tahpa ta Chief Guest ta a reih.

"12th Term MADC liana heta hmahsiena nano nanopa hmô awpa y lymâ ta, Department to ama hmahsiena Achievement report review meeting he zâkô liata eino hneipa châta, atakô liata eikha hnei hapa châta, kô chhâna lâ liata hnei heih awpa a châ heih. He report liana heta hmô theipa ta Department to liata sôh chyhta sai eima hneipazy Budget provision hawhta hmâpata hmahsiena hneipazy palâsa tyhpa a châ. Atahmâ tah Sawkhâna heta hmahlâna nano nanopa vaw hnei laih lymâ pi ta, Mara House, Delhi liata pa he Contractor nah nahta eima agreement hawhta May 2026 liata patlô hmâ awpa ta hnabeiseipa châ ta, Eima Minister parohpa, atahmâ ta Siaha Biatuhpa Puhpa,Dr.K. Beichhua,MLA hmahlâna ta Mara House, Lunglei liata hnei hapa châta, Official ta inauguration programme hmâ awpa ta patohpatiana siekhei ngâpa a châ hra. Aizawl liata Tlâhleipazy tlôkia n'awpa O sana châ ta ZMC kiah liata râh chaleipa châ ta, DPR pataosapa ta atahmâ he alaichadai ngâpa a châ. Aizawl liata Students' Hostel sâkha sachhi n'awpa chhao thlai ta approval hmô awpa eima hnabeisei. Tipa nata New Colony,Siaha liata Market nata Multipurpose Hall sa n'awpa administrative approval hmô hapa a châ",  tahpa ta CEM ta a reih.

Puhpa M.Laikaw, CEM chata "Department to liata hmahsiena hmô awpa y lymâ ta, A & FW Deptt. ta Chikao, Tractors nata Power triller zy raih ei ta, E,F&CC Deptt. ta Palâ Tipo liata Mini Hydro taopa ta Light pakhai hapa châta, Tlâhpi lâthlôh liata Park chhao Châvâh daihti liata Official ta pahy awpa eimâ chhuah. 

"Atanoh ta baona raina liata nata Machâ bao ângiapazy atlyhpapuana lia heta Politics vâta pahruana a y nah ta pangiasa leipa na ta, Politics vâta pahruana he taolei awpa ta ei châ haw ei. He hawhna heta ei Bia(Tokalo Bia) liata VC nah hnoh chhaota pahruana hnei leipa ta, kô uhthei viapa nata bao ângiah viapazy hmia pasah tyh awpa ta ei chho hra ei. Atanoh liata programme âvawhlaopa zydua hnohta MADC moh ta alynabie ei cha hlâ chyu ei ", tahpa ta Puhpa M.Laikaw, Hon'ble CEM ta abiereipa a pachhâsa.

Puhpa T. Seido, EM i/c., Soacial Welfare, MADC chata, " He programme hmâthei awpa a châna chhâpa he eima CEM zachhihpa hriapasana tah leithei awpa châvei, Zâkô(2024 - 2025) Budget liata söh ta âdaih leipa vâta a pakhi n'awpa ta Local Revenue Recieved tawhta CEM ta ryhpaona miah a taopa. Ano(CEM) tawhta green signal eima dao tyhpa cha,' he 12th Term MADC he adona ta eima siekhei awpa a châpa vâta Opposition tlyma, Rulling tlyma y leipa ta equal share eima tao awpa a châ', tahpa ta miah a pasyu tyh. He vâna heta Sports deptt.lâ liana chhao rai châ sala, elected MDC nah zydua hnohta âraoraih kawpa ta zana palâsa tyhpa a châ. Keimo, Social Welfare Deptt. he Deptt. hropazy hawhta O rônapa nata project rôhnapa pahy awpa hnei hravei sih la Rôhnana Râh tawhta miah nama sai khiah eima hmotaopa he chynawh hlei vei. Atanoh liata a eih via pachaihpa ta Rev.Az.Beirakaw, ES i/c , Social Mission nata CEM zy ama dâihti acha-ie chahmy kawpa liata eimâ hawhna pachâ peimawh ta hlao miah patlopa ei ta, ama chôlia ta ei ly hmeiseih. Atonoh liata ei lyna pakisa chaituhpazy, râh hneituhpa ama châna pahnopasiapa ta Oppsition MDC panoh miah amâ hlaopa he a châ. Nama daihti soh kawpazy paruapa ta he programme âvawhlaotyhpa zydua hnohta alynabie ei cha reih ei", tahpa ta vote of thanks a reih.

He Free Distribution of Nutrition for Senior Citizens programme liata Elected Office Holders nata MDCs âhlaopazy cha:-

1) Puhpa C.Chehnei, Deputy Chairman 

2) Puhpa BeirahmoSyhly, EM(RD)

3) Puhpa M.Chiadung, EM(Soil)

4) Puhpa Nahlo Solo, Chairman,Town Committee 

5) Puhpa M.Manesia, MDC

6) Puhpa Nelson Khenglawt

He programme âvawhlaopazy Laihsa Precilla Notlia ta thaikawpa ta Abeipa Reithaina Hla ta apalôhpahawh ei.

He Free Distribution of Nutrition for Senior Citizens programme liana heta MDC Bia to tawhta Machâ manôh 20 atlyhpapuapazy hnohta Dailua 6 Kgs sai raipa a châ.

Paw Thlahchhâna reiparaohpa ta daihti pachhâsapa a châ.

ISSUED BY:

Information & Publicity Department 

Mara Autonomous District Council 

Siaha.