PRESS RELEASE 

NO.151/2025

Siaha, târi 16 Di, 2025 (Hreiheinoh) - Atanoh dawh 1:00 PM khata Puhpa MH.Tiabi, Executive Member i/c., MS & Idustries department ta Industries Office, MADC liata Handloom Training Certificate raina programme a hmâkhei.

Puhpa John VT Hniehu, IDO, Industries Department, MADC ta programme chhihtha ta, Pihnô K. Genevieve, IEO(H), Industries Department MADC ta report a pie. Daihti pavaosana châta Pihnô Nerry Khithie, UDC, Industries Department ta thlâhchhâna a hnei.

Puhpa MH.Tiabi, EM ta biereina hneipa ta,"eima thaina he investment pha chaipa châta, tiama kawpa ta ahriapa hlaotloh leipa y thai v'ei. Tiama kawpa ta eima hria khiahta cha eima hlao a tloh cheingei aw, chavâta nâmo chhao training patlô ha ei chita tiama kawpa ta nama hria hnolo khiahta cha nama hlao a tloh cheingei aw."

"Keima chhao châ ei chu daihti liata heihzy hawhta athai theipa châ leipa na ta, châhrasala, ei tiamana nata achhuahna siapa ei hneipa vâta ei chuna lia chhaota hmahsiena nata hlaotlohna hmôpa ta ei to tyh. Kheihawhpa rai rai he châ sala tiamana nata achhuahna siapa hneipa ta eima hria khiah cha liana chata hlaotlohna a y. Atanoh liata training apatlôpazy chao ei chi, nama thaina he nâmo dyhkha châ deita châ ta châ leipa sala, nama thaina he papôhsa ta, eima Râh châta byhnâ châ chyu awpa ta khokheina ei cha hlâ chyu ei. Puhpa John VT Hniehu, IDO & Staffs nata Puhpa Thatha Kheimeichho zy hnoh chhaota alynabie ei rei hra, ei châ ly kaw ei." tahpa ta a biereipa a pachhâsa.

Puhpa Thatha Kheimeichho, Principal KMC Vacational School, College Vaih tawhta pasyuna bie pha kawpa nahthliepa a châ hra. Puhpa KH Hachhua, IEO(G), Industries department, MADC ta vote of thanks reina a hnei.

ISSUED BY:

Information & Publicity Department 

Mara Autonomous District Council 

Siaha.