PRESS RELEASE

NO.132/2024

SIAHA, 4 Di, 2024, Pakhynoh – Atanoh my dawh 11:00 AM liata Puhpa MH. Tiabi, Hon’ble EM i/c Industries Department etc., Mara Autonomous District Council (MADC) ta Industries Department, MADC ta noh 1 chhôh châta ama pachhuapanohpa ‘Trade Fair 2024’ cha a pahy.

He pahy daihti he Puhpa MH. Tiabi, Hon’ble EM chata biereina chyupa daihti hnei ta, MADC ta Department hry liata eima hneipa Industries Department he Department peimawh kawpa châ ta, Marasaw eimâ tobina, a eihpachaipa ta chanô zy ta Mara chipho ngiana poh ama vaw sa papua theipa he aly’pa a châ hmeiseih tah ta, atanoh liata Trade Fair he Marasawzy châta hmo ngiatlâh châ kawpa a châ tahpa a reih. 

He tawh chhao ta mahnô mahpaw daihti liata Marapa poh eima hneipazy he sa via lymâ awpa ta ahawna tao ta, atanoh ‘Trade Fair 2024’ ama patohpatiana kyh liata MADC Industries Department ry liata officers nata staff zy hnoh ta alynabie a reih.

Trade Fair 2024 he MADC Golden Jubilee Building, MADC Complex liata hneipa châta, atanoh noh 1 chhôh châta taopa châ ta, pahyna liata Puhpa JH. Beihnai, Industry Development Officer, MADC ta a chhihtha. He Trade Fair liata ama chaluah papuapazy cha chanô poh, sahria nata rao-ao (sash) zy châ ta, atanoh liata a chalei hmâ leipazy cha Industries Department, MADC liata office hours chhôh liata khatino rai ta chalei theipa a châ aw.

Puhpa MH. Tiabi, Hon’ble EM he Puhpa BeiRôkhu Beitâ, I & PO nata Puhpa Martin L. Hlychho, Cameraman zy ta ama chakaochahlâh.

ISSUED BY:

Information & Publicity Department

Mara Autonomous District Council

Siaha.